Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Eka-Nipata

Suttas 1-97

Adapted from the 1995 edition of the digital version of the Sri Lanka Buddha Jayanti Tripitaka Series and proofed against the Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[1]

Namo tassa Bhagavato arahato samma sambuddhassa

I

 

[1] [PTS: I] [olds][upal] Evam me sutam|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Naham, bhikkhave, annam eka-rupam pi samanupassami||
yam evam purisassa cittam pariyadaya titthati||
yathayidam, bhikkhave, itthi-rupam.|| ||

Itthi-rupam, bhikkhave, purisassa cittam pariyadaya titthati" ti.|| ||

[2][pts][olds][upal] "Naham, bhikkhave, annam eka-saddam pi samanupassami||
yam evam purisassa cittam pariyadaya titthati||
yathayidam, bhikkhave, itthi-saddo.|| ||

Itthi-saddo, bhikkhave, purisassa cittam pariyadaya titthati" ti.|| ||

[3][pts][olds][upal] "Naham, bhikkhave, annam eka-gandham pi samanupassami||
yam evam purisassa cittam pariyadaya titthati||
yathayidam, bhikkhave, itthi-gandho.|| ||

Itthi-gandho, bhikkhave, purisassa cittam pariyadaya titthati" ti.|| ||

[2] [4][pts][olds][upal] "Naham bhikkhave, annam eka-rasam pi samanupassami||
yam evam purisassa cittam pariyadaya titthati||
yathayidam, bhikkhave, itthi-raso.|| ||

Itthi-raso, bhikkhave, purisassa cittam pariyadaya titthati" ti.|| ||

[5][pts][olds][upal] "Naham bhikkhave, annam eka-photthabbam pi samanupassami||
yam evam purisassa cittam pariyadaya titthati yathayidam,||
bhikkhave, itthi-photthabbam.|| ||

Itthi-photthabbam, bhikkhave, purisassa cittam pariyadaya titthati" ti.|| ||

[6][pts][olds][upal] "Naham, bhikkhave, annam eka-rupam pi samanupassami||
yam evam itthiya cittam pariyadaya titthati||
yathayidam, bhikkhave, purisa-rupam.|| ||

Purisa-rupam, bhikkhave, itthiya cittam pariyadaya titthati" ti.|| ||

[7][pts][olds][upal] "Naham, bhikkhave, annam eka-saddam pi samanupassami||
yam evam itthiya cittam pariyadaya titthati||
yathayidam bhikkhave, purisa-saddo.|| ||

Purisa-saddo, bhikkhave, itthiya cittam pariyadaya titthati" ti.|| ||

[8][pts][olds][upal] "Naham, bhikkhave, annam eka-gandham pi samanupassami||
yam evam itthiya cittam pariyadaya titthati||
yathayidam bhikkhave, purisa-gandho.|| ||

Purisa-gandho, bhikkhave, itthiya cittam pariyadaya titthati" ti.|| ||

[9][pts][olds][upal] "Naham, bhikkhave, annam eka-rasam pi samanupassami||
yam evam itthiya cittam pariyadaya titthati||
yathayidam, bhikkhave, purisa-raso.|| ||

Purisa-raso, bhikkhave, itthiya cittam pariyadaya titthati" ti.|| ||

[10][pts][olds][upal] "Naham, bhikkhave, annam eka-photthabbam pi samanupassami||
yam evam itthiya cittam pariyadaya titthati||
yathayidam bhikkhave, purisa-photthabbam.|| ||

Purisa-photthabbam, bhikkhave, itthiya cittam pariyadaya titthati" ti.|| ||

 

[Rupadi-vaggo pathamo]

 

§

 

II

 

[3] [11][PTS II][olds] "Naham bhikkhave, annam eka-dhammam pi samanupassami||
yena anuppanno va kamacchando uppajjati||
uppanno va kamacchando bhiyyo bhavaya vepullaya sanvattati||
yathayidam bhikkhave, subha-nimittam.|| ||

Subha-nimittam, bhikkhave,||
ayoniso manasikaroto||
anuppanno c'eva kamacchando uppajjati||
uppanno ca kamacchando bhiyyo bhavaya vepullaya sanvattati" ti.|| ||

[12][pts][olds] "Naham bhikkhave, annam eka-dhammam pi samanupassami||
yena anuppanno va vyapado uppajjati||
uppanno va vyapado bhiyyo bhavaya vepullaya sanvattati||
yathayidam, bhikkhave, patigha-nimittam.|| ||

Patigha-nimittam, bhikkhave,||
ayoniso manasikaroto||
anuppanno c'eva vyapado uppajjati||
uppanno ca vyapado bhiyyo bhavaya vepullaya sanvattati" ti.|| ||

[13][pts][olds] "Naham, bhikkhave, annam eka-dhammam pi samanupassami||
yena anuppannam va thina-middham uppajjati||
uppannam va thina-middham bhiyyo bhavaya vepullaya sanvattati||
yathayidam bhikkhave, arati-tandi-vijambhika bhatta-sammado cetaso ca linattam.|| ||

Lina-cittassa, bhikkhave,||
anuppannam c'eva thina-middham uppajjati||
uppannan ca thina-middham bhiyyo bhavaya vepullaya sanvattati" ti.|| ||

[14][pts][olds] "Naham, bhikkhave, annam eka-dhammam pi samanupassami||
yena anuppannam va uddhacca-kukkuccam uppajjati||
uppannam va uddhacca-kukkuccam bhiyyo bhavaya vepullaya sanvattati||
yathayidam bhikkhave, cetaso avupasamo.|| ||

Avupasanta-cittassa, bhikkhave,||
anuppannam c'eva uddhacca-kukkuccam uppajjati||
uppannan ca uddhacca-kukkuccam bhiyyo bhavaya vepullaya sanvattati" ti.|| ||

[4] [15][pts][olds] "Naham bhikkhave, annam eka-dhammam pi samanupassami||
yena anuppanna va vicikiccha uppajjati||
uppanna va vicikiccha bhiyyo bhavaya vepullaya sanvattati||
yathayidam bhikkhave, ayoniso-manasikaro.|| ||

Ayoniso, bhikkhave, manasikaroto||
anuppanna c'eva vicikiccha uppajjati||
uppanna ca vicikiccha bhiyyo bhavaya vepullaya sanvattati" ti.|| ||

[16][pts][olds] "Naham, bhikkhave, annam eka-dhammam pi samanupassami||
yena anuppanno va kamacchando n'uppajjati||
uppanno va kamacchando pahiyati||
yathayidam, bhikkhave, asubha-nimittam.|| ||

Asubha-nimittam, bhikkhave,||
yoniso-manasikaroto||
anuppanno c'eva kamacchando n'uppajjati||
uppanno ca kamacchando pahiyati" ti.|| ||

[17][pts][olds] "Naham, bhikkhave, annam eka-dhammam pi samanupassami||
yena anuppanno va vyapado n'uppajjati||
uppanno va vyapado pahiyati||
yathayidam bhikkhave, metta ceto-vimutti.|| ||

Mettam, bhikkhave, ceto-vimuttim||
yoniso manasikaroto||
anuppanno c'eva vyapado n'uppajjati||
uppanno ca vyapado pahiyati" ti.|| ||

[18][pts][olds] "Naham, bhikkhave, annam eka-dhammam pi samanupassami||
yena anuppannam va thina-middham n'uppajjati||
uppannam va thina-middham pahiyati||
yathayidam bhikkhave, arambha-dhatu nikkama-dhatu parakkama-dhatu.|| ||

Araddha-viriyassa, bhikkhave,||
anuppannam c'eva thina-middham n'uppajjati||
uppannan ca thina-middham pahiyati" ti.|| ||

[19][pts][olds] "Naham, bhikkhave, annam eka-dhammam pi samanupassami||
yena anuppannam va uddhacca-kukkuccam n'uppajjati||
uppannam va uddhacca-kukkuccam pahiyati||
yathayidam bhikkhave, cetaso vupasamo.|| ||

Vupasanta-cittassa, bhikkhave,||
anuppannam c'eva uddhacca-kukkuccam n'uppajjati||
uppannan ca uddhacca-kukkuccam pahiyati" ti.|| ||

[20][pts][olds] "Naham, bhikkhave, annam eka-dhammam pi samanu- [5] passami||
yena anuppanna va vicikiccha n'uppajjati||
uppanna va vicikiccha pahiyati||
yathayidam bhikkhave, yoniso manasikaro.|| ||

Yoniso, bhikkhave, manasikaroto||
anuppanna c'eva vicikiccha n'uppajjati||
uppanna ca vicikiccha pahiyati" ti.|| ||

 

[Nivarana-pahana-vaggo dutiyo]

 

§

 

III

 

[21][PTS III][than][olds] "Naham bhikkhave, annam eka-dhammam pi samanupassami||
yam evam abhavitam||
akammaniyam hoti||
yathayidam cittam.|| ||

Cittam, bhikkhave, abhavitam||
akammaniyam hoti" ti.|| ||

[22][pts][than][olds] "Naham, bhikkhave, annam eka-dhammam pi samanupassami||
yam evam bhavitam||
kammaniyam hoti||
yathayidam cittam.|| ||

Cittam, bhikkhave, bhavitam||
kammaniyam hoti" ti.|| ||

[23][pts][than][olds] "Naham bhikkhave, annam eka-dhammam pi samanupassami||
yam evam abhavitam||
mahato anatthaya sanvattati||
yathayidam cittam.|| ||

Cittam, bhikkhave, abhavitam||
mahato anatthaya sanvattati" ti.|| ||

[24][pts][than][olds] "Naham, bhikkhave, annam eka-dhammam pi samanupassami||
yam evam bhavitam||
mahato atthaya sanvattati||
yathayidam cittam.|| ||

Cittam, bhikkhave, bhavitam||
mahato atthaya sanvattati" ti.|| ||

[25][pts][than][olds] "Naham, bhikkhave, annam eka-dhammam pi samanupassami||
yam evam abhavitam||
apatubhutam||
mahato anatthaya sanvattati||
yathayidam cittam.|| ||

Cittam, bhikkhave, abhavitam||
mahato anatthaya sanvattati" ti.|| ||

[26][pts][than][olds] "Naham, bhikkhave, annam eka-dhammam pi samanu- [6] passami||
yam evam bhavitam||
patubhutam||
mahato atthaya sanvattati||
yathayidam cittam.|| ||

Cittam, bhikkhave, bhavitam||
mahato atthaya sanvattati" ti.|| ||

[27][pts][than][olds] "Naham, bhikkhave, annam eka-dhammam pi samanupassami yam evam abhavitam||
abahulikatam||
mahato anatthaya sanvattati||
yathayidam cittam.|| ||

Cittam, bhikkhave, abhavitam||
mahato anatthaya sanvattati" ti.|| ||

[28][pts][than][olds] "Naham bhikkhave, annam eka-dhammam pi samanupassami||
yam evam bhavitam||
bahulikatam||
mahato atthaya sanvattati||
yathayidam cittam.|| ||

Cittam, bhikkhave, bhavitam||
mahato atthaya sanvattati" ti.|| ||

[29][pts][than][olds] "Naham, bhikkhave, annam eka-dhammam pi samanupassami||
yam evam abhavitam||
abahulikatam||
dukkhadhivaham hoti||
yathayidam cittam.|| ||

Cittam, bhikkhave, abhavitam||
abahulikatam||
dukkhadhivaham hoti" ti.|| ||

[30][pts][than][olds] "Naham, bhikkhave, annam eka-dhammam pi samanupassami||
yam evam bhavitam||
bahulikatam||
sukhadhivaham hoti||
yathayidam cittam.|| ||

Cittam, bhikkhave, bhavitam||
bahulikatam sukhadhivaham hoti" ti.|| ||

 

[Akammaniya-vaggo tatiyo]

 

§

 

IV

 

[31][[PTS IV]][than][olds] "Naham bhikkhave, annam eka-dhammam pi samanupassami||
yam evam adantam||
mahato anatthaya sanvattati||
yathayidam cittam.|| ||

Cittam, bhikkhave, adantam||
mahato anatthaya sanvattati" ti.|| ||

[32][pts][than][olds] "Naham, bhikkhave, annam eka-dhammam pi samanupassami||
yam evam dantam||
mahato atthaya sanvattati||
yathayidam cittam.|| ||

Cittam, bhikkhave, dantam||
mahato atthaya sanvattati" ti.|| ||

[33][pts][than][olds] "Naham, bhikkhave, annam eka-dhammam pi samanu- [7] passami||
yam evam aguttam||
mahato anatthaya sanvattati||
yathayidam cittam.|| ||

Cittam, bhikkhave, aguttam||
mahato anatthaya sanvattati" ti.|| ||

[34][pts][than][olds] "Naham, bhikkhave, annam eka-dhammam pi samanupassami||
yam evam guttam||
mahato atthaya sanvattati||
yathayidam cittam.|| ||

Cittam, bhikkhave, guttam||
mahato atthaya sanvattati" ti.|| ||

[35][pts][than][olds] "Naham, bhikkhave, annam eka-dhammam pi samanupassami||
yam evam arakkhitam||
mahato anatthaya sanvattati||
yathayidam cittam.|| ||

Cittam, bhikkhave, arakkhitam||
mahato anatthaya sanvattati" ti.|| ||

[36][pts][than][olds] "Naham, bhikkhave, annam eka-dhammam pi samanupassami||
yam evam rakkhitam||
mahato atthaya sanvattati||
yathayidam cittam.|| ||

Cittam, bhikkhave, rakkhitam||
mahato atthaya sanvattati" ti.|| ||

[37][pts][than][olds] "Naham bhikkhave, annam eka-dhammam pi samanupassami||
yam evam asamvutam||
mahato anatthaya sanvattati||
yathayidam cittam.|| ||

Cittam, bhikkhave, asamvutam||
mahato anatthaya sanvattati" ti.|| ||

[38][pts][than][olds] "Naham, bhikkhave, annam eka-dhammam pi samanupassami||
yam evam samvutam||
mahato atthaya sanvattati||
yathayidam cittam.|| ||

Cittam, bhikkhave, samvutam||
mahato atthaya sanvattati" ti.|| ||

[39][pts][than][olds] "Naham bhikkhave, annam eka-dhammam pi samanupassami||
yam evam adantam||
aguttam||
arakkhitam||
asamvutam||
mahato anatthaya sanvattati||
yathayidam cittam.|| ||

Cittam, bhikkhave, adantam||
aguttam||
arakkhitam||
asamvutam||
mahato anatthaya sanvattati" ti.|| ||

[40][pts][than][olds] "Naham, bhikkhave, annam eka-dhammam pi samanupassami||
yam evam dantam||
guttam||
rakkhitam||
samvutam||
mahato atthaya sanvattati||
yathayidam cittam.|| ||

Cittam, bhikkhave, dantam||
guttam||
rakkhitam||
samvutam||
mahato atthaya sanvattati" ti.|| ||

 

[Adanta-vaggo catuttho]

 

§

[8]

V

 

[41][PTS V][olds] "Seyyatha pi, bhikkhave,||
salisukam va||
yavasukam va||
miccha panihitam -||
'Hatthena va||
padena va||
akkantam hattham va||
padam va||
bhecchati lohitam va uppadessati' ti?|| ||

N'etam thanam vijjati.|| ||

Tam kissa hetu?|| ||

Miccha-panihitatta, bhikkhave, salisukassa.|| ||

Evam eva kho, bhikkhave,||
so vata bhikkhu miccha-panihitena cittena -||
'Avijjam bhecchati,||
vijjam uppadessati,||
Nibbanam sacchikarissati' ti?|| ||

N'etam thanam vijjati.|| ||

Tam kissa hetu?|| ||

Miccha-panihitatta, bhikkhave, cittassa" ti.|| ||

[42][pts][olds] Seyyatha pi, bhikkhave,||
salisukam va||
yavasukam va||
samma-panihitam hatthena va||
padena va||
akkantam hattham va||
padam va||
bhecchati lohitam va uppadessati' ti?|| ||

Thanam etam vijjati.|| ||

Tam kissa hetu?|| ||

Samma-panihitatta, bhikkhave, salisukassa.|| ||

Evam eva kho, bhikkhave,||
so vata bhikkhu samma-panihitena cittena||
'Avijjam bhecchati,||
vijjam uppadessati,||
nibbanam sacchikarissati' ti.|| ||

Thanam etam vijjati.|| ||

Tam kissa hetu?|| ||

Samma panihitatta, bhikkhave, cittassa" ti.|| ||

[43][pts][olds] "Idhaham, bhikkhave, ekaccam puggalam||
paduttha-cittam||
evam cetasa ceto paricca pajanami.|| ||

Imamhi ce ayam samaye puggalo kalam kareyya,||
yathabhatam nikkhitto evam niraye.|| ||

Tam kissa hetu?|| ||

Cittam hi'ssa bhikkhave, paduttham.|| ||

Ceto-padosa-hetucca pana, bhikkhave,||
evam idh'ekacce satta kayassa bheda param marana apayam duggatim vinipatam Nirayam upapajjanti" ti.|| ||

[44][pts][olds] "Idhaham, bhikkhave, ekaccam puggalam pasanna-cittam||
evam cetasa ceto paricca pajanami.|| ||

Imamhi ce [9] ayam samaye puggalo kalam kareyya,||
yathabhatam nikkhitto evam sagge.|| ||

Tam kissa hetu?|| ||

Cittam hi'ssa, bhikkhave, pasannam.|| ||

Ceto-pasada-hetucca pana, bhikkhave,||
evam idh'ekacce satta kayassa bheda param marana sugatim saggam lokam upapajjanti" ti.|| ||

[45][pts][than][olds] Seyyatha pi, bhikkhave, udakarahado||
avilo||
lulito||
kalalibhuto||
tattha cakkhuma puriso tire thito na passeyya||
sippisambukam pi||
sakkharakathalam pi||
maccha-gumbam pi||
carantam pi||
titthantam pi.|| ||

Tam kissa hetu?|| ||

Avilatta, bhikkhave, udakassa.|| ||

Evam eva kho, bhikkhave,||
so vata bhikkhu avilena cittena||
attattham va||
nassati parattham va||
nassati ubhayattham va||
nassati uttarim va||
manussa-dhamma alamariya-nana-dassanavisesam sacchikarissati ti.|| ||

N'etam thanam vijjati.|| ||

Tam kissa hetu?|| ||

Avilatta, bhikkhave, cittassa" ti.|| ||

[46][pts][than][olds] Seyyatha pi, bhikkhave,||
udakarahado||
accho||
vippasanno||
anavilo||
tattha cakkhuma puriso tire Ahito passeyya||
sippisambukam pi||
sakkhara-kathalam pi||
macchagumbam pi||
carantam pi||
titthantam pi.|| ||

Tam kissa hetu?|| ||

Anavilatta, bhikkhave, udakassa.|| ||

Evam eva kho, bhikkhave,||
so vata bhikkhu anavilena cittena attattham va||
nassati parattham va||
nassati ubhayattham va||
nassati uttarim va||
manussa-dhamma alamariya-nana-dassanavisesam sacchikarissati ti.|| ||

Thanam etam vijjati.|| ||

Tam kissa hetu?|| ||

Anavilatta, bhikkhave, cittassa" ti.|| ||

[47][pts][than][olds] Seyyatha pi, bhikkhave, yani kanici rukkhajatani||
candano tesam aggam akkhayati||
yad idam mudutaya kammannataya||
evam eva kho aham, bhikkhave na annam eka-dhammam pi samanupassami||
yam evam bhavitam||
bahulikatam mudu ca hoti||
kammannan ca||
yathayidam cittam.|| ||

Cittam, bhikkhave, bhavitam||
bahulikatam mudu ca hoti||
kammannan ca" ti.|| ||

[10] [48][pts][than][olds] "Naham bhikkhave, annam eka-dhammam pi samanupassami||
yam evam lahuparivattam||
yathayidam cittam||
yavan c'idam, bhikkhave, upama pi na sukara||
yava lahuparivattam cittan" ti.|| ||

[49][pts][than][olds] "Pabhassaram idam, bhikkhave, cittam||
tan ca kho agantukehi upakkilesehi upakkilitthan" ti.|| ||

[50][pts][than][olds] "Pabhassaram idam, bhikkhave, cittam||
tan ca kho agantukehi upakkilesehi vippamuttan" ti.|| ||

 

[Panihita-acchavaggo pancamo]

 

§

 

VI

 

[51][PTS VI][than][olds] "Pabhassaram idam bhikkhave, cittam||
tan ca kho agantukehi upakkilesehi upakkilittham.|| ||

Tam assutava puthujjano yathabhutam nappajanati.|| ||

Tasma assutavato puthujjanassa citta-bhavana n'atthi ti vadami" ti.|| ||

[52][pts][than][olds] "Pabhassaram idam bhikkhave, cittam||
tan ca kho agantukehi upakkilesehi vippamuttam.|| ||

Tam sutava ariyasavako yathabhutam pajanati.|| ||

Tasma sutavato ariyasavakassa citta-bhavana atthi ti vadami" ti.|| ||

[53][pts][olds] "Acchara-sanghata-mattam pi ce, bhikkhave,||
bhikkhu metta-cittam asevati||
ayam vuccati, bhikkhave bhikkhu.|| ||

Arittajjhano viharati satthu sasanakaro ovadapatikaro,||
amogham ratthapindam bhunjati.|| ||

Ko pana vado ye nam bahulikaronti ti?|| ||

[54][pts][olds] Acchara-sanghata-mattam pi ce, bhikkhave,||
bhikkhu metta-cittam bhaveti;||
ayam vuccati, bhikkhave bhikkhu.|| ||

Arittajjhano viharati satthu sasanakaro ovadapatikaro,||
amogham ratthapindam bhunjati.|| ||

Ko pana vado ye nam bahulikaronti ti?|| ||

[11] [55][pts][olds] Acchara-sanghata-mattam pi ce, bhikkhave,||
bhikkhu mettacittam manasikaroti;||
ayam vuccati, bhikkhave bhikkhu.||
Arittajjhano viharati satthu sasanakaro ovadapatikaro amogham ratthapindam bhunjati.|| ||

Ko pana vado ye nam bahulikaronti ti?|| ||

[56][pts][olds] Ye keci, bhikkhave,||
dhamma akusala akusalabhagiya akusalapakkhika sabbe te manopubbangama.|| ||

Mano tesam dhammanam pathamam uppajjati,||
anvad eva akusala dhamma ti.|| ||

[57][pts][olds] Ye keci, bhikkhave,||
dhamma kusala kusalabhagiya kusalapakkhika,||
sabbe te manopubbangama.|| ||

Mano tesam dhammanam pathamam uppajjati,||
anvad eva kusala dhamma ti.|| ||

[58][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, pamado.|| ||

Pamattassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

[59][pts][olds] Naham, bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, appamado.|| ||

Appamattassa, bhikkhave, anuppanna c'eva kusala dhamma uppajjanti uppanna ca akusala dhamma parihayanti ti.|| ||

[60][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, kosajjam.|| ||

Kusitassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

 

[Acchara-sanghata-vaggo chattho]

 

§

[12]

VII

 

[61][PTS VII][olds] Naham bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, viriyarambho.|| ||

Araddhaviriyassa, bhikkhave,||
anuppanna c'eva kusala dhamma uppajjanti uppanna ca akusala dhamma parihayanti ti.|| ||

[62][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, mahicchata.|| ||

Mahicchassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

[63][pts][olds] Naham, bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, appicchata.|| ||

Appicchassa, bhikkhave,||
anuppanna c'eva kusala dhamma uppajjanti uppanna ca akusala dhamma parihayanti ti.|| ||

[64][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam, bhikkhave, asantutthita.|| ||

Asantutthassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

[65][pts][olds] Naham, bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, santutthita.|| ||

Santutthassa, bhikkhave,||
anuppanna c'eva kusala dhamma uppajjanti uppanna ca akusala dhamma parihayanti ti.|| ||

[13] [66][pts][olds] Naham bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, ayoniso manasikaro.|| ||

Ayoniso, bhikkhave,||
manasikaroto anuppanna c'eva akusala dhamma uppajjanti uppanna ca kusala dhamma parihayanti ti.|| ||

[67][pts][olds] Naham bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, yoniso manasikaro.|| ||

Yoniso, bhikkhave,||
manasikaroto anuppanna c'eva kusala dhamma uppajjanti uppanna ca akusala dhamma parihayanti ti.|| ||

[68][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, asampajannam.|| ||

Asampajanassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

[69][pts][olds] Naham, bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, sampajannam.|| ||

Sampajanassa, bhikkhave,||
anuppanna c'eva kusala dhamma uppajjanti uppanna ca akusala dhamma parihayanti ti.|| ||

[70][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, papamittata.|| ||

Papamittassa, bhikkhave,||
anuppanna c'eva akusala dhamma uppajjanti uppanna ca kusala dhamma parihayanti ti.|| ||

 

[Viriyarambhadi-vaggo-sattamo]

 

§

[14]

VIII

 

[71][PTS VIII][olds] Naham bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, kalyanamittata.|| ||

Kalyanamittassa, bhikkhave,||
anuppanna c'eva kusala dhamma uppajjanti uppanna ca akusala dhamma parihayanti ti.|| ||

[72][pts][olds] Naham, bhikkhave,||
annam eka-dhammam pi samanupassami yena anuppanna va akusala dhamma uppajjanti uppanna va kusala dhamma parihayanti yathayidam,||
bhikkhave, anuyogo akusalanam dhammanam,||
ananuyogo kusalanam dhammanam.|| ||

Anuyoga, bhikkhave,||
akusalanam dhammanam,||
ananuyoga kusalanam dhammanam anuppanna c'eva akusala dhamma uppajjanti uppanna ca kusala dhamma parihayanti ti.|| ||

[73][pts][olds] Naham, bhikkhave,||
annam eka-dhammam pi samanupassami yena anuppanna va kusala dhamma uppajjanti uppanna va akusala dhamma parihayanti yathayidam,||
bhikkhave, anuyogo kusalanam dhammanam,||
ananuyogo akusalanam dhammanam.|| ||

Anuyoga, bhikkhave,||
kusalanam dhammanam,||
ananuyoga akusalanam dhammanam anuppanna c'eva kusala dhamma uppajjanti uppanna ca akusala dhamma parihayanti ti.|| ||

[74][pts][olds] Naham, bhikkhave,||
annam eka-dhammam pi samanupassami yena anuppanna va bojjhanga n'uppajjanti uppanna va bojjhanga na bhavana-paripurim gacchanti yathayidam,||
bhikkhave, ayoniso manasikaro.|| ||

Ayoniso, bhikkhave,||
manasikaroto anuppanna c'eva bojjhanga n'uppajjanti uppanna ca bojjhanga na bhavana-paripurim gacchanti ti.|| ||

[75][pts][olds] Naham, bhikkhave,||
annam eka-dhammam pi samanupassami yena anuppanna va bojjhanga uppajjanti uppanna va bojjhanga bhavana-paripurim gacchanti yathayidam,||
bhikkhave, yoniso manasikaro.|| ||

[15] Yoniso bhikkhave,||
manasikaroto anuppanna c'eva bojjhanga uppajjanti uppanna ca bojjhanga bhavana-paripurim gacchanti ti.|| ||

[76][pts][olds] Appamattika esa, bhikkhave, parihani yad idam natiparihani.|| ||

Etam patikittham, bhikkhave,||
parihaninam yad idam panna-parihani ti.|| ||

[77][pts][olds] Appamattika esa, bhikkhave,||
vuddhi yad idam nativuddhi.|| ||

Etad aggam vuddhinam yad idam panna-vuddhi.|| ||

Tasmat iha, bhikkhave,||
evam sikkhitabbam panna-vuddhiya vaddhissama ti evam hi vo,||
bhikkhave sikkhitabban ti.|| ||

[78][pts][olds] Appamattika esa, bhikkhave,||
parihani yad idam bhogaparihani.|| ||

Etam patikittham, bhikkhave,||
parihaninam yad idam panna-parihani ti.|| ||

[79][pts][olds] Appamattika esa, bhikkhave,||
vuddhi yad idam bhogavuddhi.|| ||

Etad aggam, bhikkhave,||
vuddhinam yad idam panna-vuddhi.|| ||

Tasmat iha, bhikkhave,||
evam sikkhitabbam panna-vuddhiya vaddhissama ti evam hi vo,||
bhikkhave, sikkhitabban ti.|| ||

[80][pts][olds] Appamattika esa, bhikkhave,||
parihani yad idam yasoparihani.|| ||

Etam patikittham, bhikkhave,||
parihaninam yad idam panna-parihani ti.|| ||

 

[Kalya'amittadi-vaggo atthamo]

 

§

 

IX

 

[81][PTS IX][olds] Appamattika esa, bhikkhave,||
vuddhi yad idam yasovuddhi.|| ||

Etad aggam, bhikkhave,||
vuddhinam yad idam panna-vuddhi.|| ||

Tasmat iha, bhikkhave,||
evam sikkhitabbam panna-vuddhiya vaddhissama ti evam hi vo,||
bhikkhave, sikkhitabban ti.|| ||

[16] [82][pts][olds] Naham bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, pamado.|| ||

Pamado, bhikkhave,||
mahato anatthaya sanvattati ti.|| ||

[83][pts][olds] Naham, bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, appamado.|| ||

Appamado, bhikkhave,||
mahato atthaya sanvattati ti.|| ||

[84][pts][olds] Naham bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, kosajjam.|| ||

Kosajjam, bhikkhave,||
mahato anatthaya sanvattati ti.|| ||

[85][pts][olds] Naham, bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, viriyarambho.|| ||

Viriyarambho, bhikkhave,||
mahato atthaya sanvattati ti.|| ||

[86][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, mahicchata.|| ||

Mahicchata, bhikkhave,||
mahato anatthaya sanvattati ti.|| ||

[87][pts][olds] Naham bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, appicchata.|| ||

Appicchata, bhikkhave,||
mahato atthaya sanvattati ti.|| ||

[88][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, asantutthita.|| ||

Asantutthita, bhikkhave,||
mahato anatthaya sanvattati ti.|| ||

[89][pts][olds] Naham, bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, santutthita.|| ||

Santutthita, bhikkhave,||
mahato atthaya sanvattati ti.|| ||

[90][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, ayoniso manasikaro.|| ||

Ayoniso manasikaro bhikkhave,||
mahato anatthaya sanvattati ti.|| ||

[91][pts][olds] Naham, bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, yoniso manasikaro.|| ||

Yoniso manasikaro, bhikkhave,||
mahato atthaya sanvattati ti.|| ||

[92][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, asampajannam.|| ||

Asampajannam, bhikkhave,||
mahato anatthaya sanvattati ti.|| ||

[93][pts][olds] Naham, bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, sampajannam.|| ||

Sampajannam, bhikkhave,||
mahato atthaya sanvattati ti.|| ||

[94][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, papamittata.|| ||

Papamittata, bhikkhave,||
mahato anatthaya sanvattati ti.|| ||

[95][pts][olds] Naham bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, kalyanamittata.|| ||

Kalyanamittata,||
bhikkhave, mahato atthaya sanvattati ti.|| ||

[96][pts][olds] Naham, bhikkhave,||
annam eka-dhammam pi samanupassami yo evam mahato anatthaya sanvattati yathayidam,||
bhikkhave, anuyogo akusalanam dhammanam,||
ananuyogo kusalanam dhammanam.|| ||

Anuyogo, bhikkhave,||
akusalanam dhammanam,||
ananuyogo kusalanam dhammanam mahato anatthaya sanvattati ti.|| ||

[97][pts][olds] Naham bhikkhave,||
annam eka-dhammam pi samanupassami yo evam mahato atthaya sanvattati yathayidam,||
bhikkhave, anuyogo kusalanam dhammanam,||
ananuyogo akusalanam dhammanam.|| ||

Anuyogo, bhikkhave,||
kusalanam dhammanam,||
ananuyogo akusalanam dhammanam mahato atthaya sanvattati ti.|| ||

 

[Pamadadi-vaggo navamo]

 


Index to Anguttara Nikaya I: The Ekanipata Suttas ]

 


Contact:
E-mail
Copyright Statement