Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 12

Saraniya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam:

Evam me sutam ekam samayam Bhagava Savatthiyam viharati Jetavane Anathapindakassa arame.|| ||

Tin'imani bhikkhave ranno khattiyassa muddhavasittassa yavajivam saraniyani bhavanti.|| ||

Katamani tini?|| ||

Yasmim bhikkhave padese raja khattiyo muddhavasitto jato hoti.|| ||

Idam, bhikkhave, pathamam ranno khattiyassa muddhavasittassa yavajivam saraniyam hoti.|| ||

Puna ca param bhikkhave yasmim padese raja khattiyo muddhavasitto hoti.|| ||

Idam, bhikkhave, dutiyam ranno khattiyassa muddhavasittassa yavajivam saraniyam hoti.|| ||

Puna ca param bhikkhave yasmim padese raja khattiyo muddhavasitto sangamam abhivijinitva vijitasangamo tam eva sangamasisam ajjhavasati.|| ||

Idam bhikkhava tatiyam ranno khattiyassa muddhavasittassa yavajivam saraniyam hoti.|| ||

Imani kho bhikkhave tini ranno khattiyassa muddhavasittassa yavajivam saraniyani bhavanti.|| ||

[107] Evam eva kho bhikkhave tin'imani bhikkhussa yavajivam saraniyani bhavanti.|| ||

Katamani tini?|| ||

Yasmim bhikkhave padese bhikkhu kesamassum oharetva kasayani vatthani acchadetva agarasma anagariyam pabbajito hoti.|| ||

Idam, bhikkhave, pathamam bhikkhussa yavajivam saraniyam hoti.|| ||

Puna ca param bhikkhave yasmim padese bhikkhu||
idam dukkhan ti yathabhutam pajanati,||
ayam dukkhasamudayo ti yathabhutam pajanati,||
ayam dukkhanirodho ti yathabhutam pajanati,||
ayam dukkhanirodhagamini patipada ti yathabhutam pajanati.|| ||

Idam bhikkhave dutiyam bhikkhussa yavajivam saraniyam hoti.|| ||

Puna ca param bhikkhave yasmim padese bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

Idam, bhikkhave, tatiyam bhikkhussa yavajivam saraniyam hoti.|| ||

Imani kho bhikkhave tini bhikkhussa yavajivam saraniyani bhavanti ti.|| ||

 


Contact:
E-mail
Copyright Statement