Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 13

Asamsa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam:

Evam me sutam ekam samayam Bhagava Savatthiyam viharati Jetavane Anathapindakassa arame.|| ||

Tayo'me bhikkhave puggala santo samvijjamana lokasmim.|| ||

Katame tayo?|| ||

Niraso,||
asamso,||
vigataso.|| ||

Katamo ca bhikkhave puggalo niraso?|| ||

Idha bhikkhave ekacco puggalo nice kule paccajato hoti,||
candalakule va nesadakule va venakule va rathakarakule va pukkusakule va,||
dalidde appannapanabhojane kasiravuttike yattha kasirena ghasacchado labbhati.|| ||

So ca hoti,||
dubbanno duddasiko okotimako bavhabadho kano va kuni va khanjo va pakkhahato va,||
na labhi annassa panassa vattassa yanassa malagandhavilepanassa seyyavasathapadipeyyassa.|| ||

So sunati,||
itthannamo kira khattiyo khattiyehi khattiyabhisekena abhisitto ti.|| ||

Tassa na evam hoti:||
kudassu nama mam pi khattiya khattiyabhisekena abhisincissanti ti.|| ||

Ayam vuccati bhikkhave puggalo niraso.|| ||

Katamo ca bhikkhave puggalo asamso?|| ||

[108] Idha bhikkhave ranno khattiyassa muddhavasittassa jettho putto hoti,||
abhiseko anabhisitto-m-acalapatto.|| ||

So sunati,||
itthannamo kira khattiyo khattiyehi khattiyabhisekena abhisitto ti.|| ||

Tassa evam hoti:||
kudassu nama mam pi khattiya khattiyabhisekena abhisincissanti ti.|| ||

Ayam vuccati puggalo asamso.|| ||

Katamo ca bhikkhave puggalo vigataso?|| ||

Idha bhikkhave raja hoti,||
khattiyo muddhavasitto.|| ||

So sunati,||
ittannamo kira khattiyo khattiyehi khattiyabhisekena abhisitto ti.|| ||

Tassa na evam hoti:||
kudassu nama mam pi khattiya khattiyabhisekena abhisincisasanti ti.|| ||

Tam kissa hetu?|| ||

Ya hi'ssa bhikkhave pubbe anabhisittassa abhisekasa sa'ssa patippassaddha.|| ||

Ayam vuccati bhikkhave puggalo vigataso.|| ||

Ime kho bhikkhave tayo puggala santo samvijjamana lokasmim.|| ||

Evam eva kho bhikkhave tayo puggala santo samvijjamana bhikkhusu.|| ||

Katame tayo?|| ||

Niraso,||
asamso,||
vigataso.|| ||

Katamo ca bhikkhave puggalo niraso?|| ||

Idha, bhikkhave, ekacco puggalo dussilo hoti,||
papadhammo asucisamkassarasamacaro paticchannakammanto assamano samanapatinno abrahmacari brahmacaripatinno antoputi avassuto kasambujato.|| ||

So sunati:||
itthannamo kira bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati ti.|| ||

Tassa na evam hoti:||
kudassu nama aham pi asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharissami ti.|| ||

Ayam vuccati bhikkhave puggalo niraso.|| ||

Katamo ca bhikkhave puggalo asamso?|| ||

Idha bhikkhave bhikkhu silava hoti,||
kalyanadhammo.|| ||

So [109] sunati:||
itthannama kira bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati ti.|| ||

Tassa evam hoti:||
kudassu nama aham pi asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharissami ti.|| ||

Ayam vuccati bhikkhave puggalo asamso.|| ||

Katamo ca bhikkhave puggalo vigataso?|| ||

Idha bhikkhave bhikkhu araham hoti,||
khinasavo.|| ||

So sunati:||
itthannamo kira bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati ti.|| ||

Tassa na evam hoti:||
kudassu nama aham pi asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharissami ti.|| ||

Tam kissa hetu?|| ||

Ya hi'ssa bhikkhave pubbe avimuttassa vimuttasa,||
sa'ssa patippassaddha.|| ||

Ayam vuccati bhikkhave puggalo vigataso.|| ||

Ime kho bhikkhave tayo puggala santo samvijjamana bhikkhusu ti.|| ||

 


Contact:
E-mail
Copyright Statement