Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 14

Cakkavatti Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam:

Evam me sutam ekam samayam Bhagava Savatthiyam viharati Jetavane Anathapindakassa arame.|| ||

Yo pi so bhikkhave raja cakkavatti dhammiko dhammaraja so pi na arajakam cakkam vatteti ti.|| ||

Evam vutte annataro bhikkhu Bhagavantam etad avoca:|| ||

Ko pana bhante ranno cakkavattissa dhammikassa dhammaranno raja ti?|| ||

Dhammo bhikkhu ti.|| ||

Bhagava avoca:|| ||

Idha bhikkhu raja cakkavatti dhammiko dhammaraja dhammam yeva nissaya dhammam sakkaronto dhammam garukaronto dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati anto janasmim.|| ||

Puna ca param bhikkhu raja cakkavatti dhammiko dhammaraja dhammam yeva nissaya dhammam sakkaronto dhammam garukaronto dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati khattiyesu anuyuttesu balakayasmim [110] brahmanagahapatikesu,||
negamajanapadesu,||
samanabrahmanesu,||
migapakkhisu.|| ||

Sa kho so bhikkhu raja cakkavatti dhammiko dhammaraja dhammam yeva nissaya dhammam sakkaronto dhammam garukaronto dhammam apacayamano dhammaddhajo dhammaketu dhammadhipateyyo||
dhammikam rakkhavaranaguttim samvidahitva anto janasmim,||
dhammikam rakkhavaranaguttim samvidahitva khattiyesu anuyuttesu balakayasmim brahmanagahapatikesu,||
negamajanapadesu,||
samanabrahmanesu,||
migapakkhisu dhammen'eva cakkam pavatteti.|| ||

Tam hoti cakkam appativattiyam kenaci manussabhutena paccatthikena panina.|| ||

Evam eva kho bhikkhu Tathagato araham Samma-sambuddho dhammiko dhammaraja dhammam yeva nissaya dhammam sakkaronto dhammam garukaronta dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati kayakammasmim,||
evarupam kayakammam sevitabbam,||
evarupam kayakammam na sevitabban ti.|| ||

Puna ca param bhikkhu Tathagato araham Samma-sambuddho dhammiko dhammaraja dhammam yeva nissaya dhammam sakkaronto dhammam garukaronta dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati vacikammasmim,||
evarupam vacikammam sevitabbam,||
evarupam vacikammam na sevitabban ti.|| ||

Puna ca param bhikkhu Tathagato araham Samma-sambuddho dhammiko dhammaraja dhammam yeva nissaya dhammam sakkaronto dhammam garukaronta dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati manokammasmim,||
evarupam manokammam sevitabbam,||
evarupam manokammam na sevitabban ti.|| ||

Sa kho so bhikkhu Tathagato araham Samma-sambuddho dhammiko dhammaraja dhammam yeva nissaya dhammam sakkaronto dhammam garukaronta dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahitva kayakammasmim,||
dhammikam rakkhavaranaguttim samvidahitva vacikammasmim,||
dhammikam rakkhavaranaguttim samvidahitva manokammasmim,||
dhammen'eva anuttaram dhammacakkam pavatteti.|| ||

Tam hoti cakkam appativattiyam samanena va brahmanena va devena va Marena va Brahmuna va kenaci va lokasmin ti.|| ||

 


Contact:
E-mail
Copyright Statement