Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 15

Rathakara (Pacetana) Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][bodh][upal] Evam me sutam:

Ekam samayam Bhagava Baranasiyam viharati Isipatane Migadaye.|| ||

Tatra kho Bhagava bhikkhu amantesi:|| ||

Bhikkhavo ti.|| ||

[111] Bhadante ti te bhikkhu Bhagavato paccassosum.|| ||

Bhagava etad avoca:|| ||

Bhutapubbam bhikkhave raja ahosi Pacetano nama.|| ||

Atha kho bhikkhave raja Pacetano rathakaram amantesi:|| ||

Ito me samma rathakara,||
channam masanam accayena sangamo bhavissati,||
sakkasi me samma rathakara,||
navam cakkayugam katun ti?|| ||

Sakkomi deva ti kho bhikkhave rathakaro ranno Pacetanassa paccassosi.|| ||

Atha kho bhikkhave rathakaro chahi masehi charattunehi ekam cakkam nitthapesi.|| ||

Atha kho bhikkhave raja Pacetano rathakaram amantesi:|| ||

Ito me samma rathakara,||
channam divasanam accayena sangamo bhavissati,||
nitthitam navam cakkayugan ti?|| ||

Imehi kho deva chahi masehi charattunehi ekam cakkam nitthitan ti.|| ||

Sakkasi pana me samma rathakara,||
imehi chahi divasehi dutiyam cakkam nitthapetun ti?|| ||

Sakkomi deva ti kho bhikkhave rathakaro ranno Pacetanassa paccassosi.|| ||

2. Atha kho bhikkhave rathakaro chahi divasehi dutiyam cakkam nitthapetva navam cakkayugam adaya yena raja Pacetano ten'upasankami.|| ||

Upasankamitva rajanam Pacetanam etad avoca:|| ||

Idan te deva navam cakkayugam nitthitan ti.|| ||

Yan ca te idam samma rathakara,||
cakkam chahi masehi nitthitam charattunehi,||
yan ca te idam cakkam chahi divasehi nitthitam.|| ||

Imesam kim nanakaranam nesam naham kinci nanakaranam passami ti.|| ||

Atthi n'esam deva nanakaranam,||
passatu deva nanakaranan ti.|| ||

Atha kho bhikkhave rathakaro yam tam cakkam chahi divasehi nitthitam,||
tam pavattesi.|| ||

Tam pavattitam samanam yavatika abhisankharassa gati,||
tavatikam gantva cingulayitva bhumiyam papati.|| ||

Yam pana tam cakkam chahi masehi [112] nitthitam charattunehi tam pavattesi.|| ||

Tam pavattitam samanam yavatika abhisankharassa gati,||
tavatikam gantva akkhahatam manne atthasi.|| ||

3. Ko nu kho samma rathakara,||
hetu,||
ko paccayo yam idam cakkam chahi divasehi nitthitam,||
tam pavattitam samanam yavatika abhisankharassa gati,||
tavatikam gantva cingulayitva bhumiyam papati?|| ||

Ko pana samma rathakara,||
hetu,||
ko paccay yam idam cakkam chahi masehi nitthitam charattunehi,||
tam pavattitam samanam yavatika abhisankharassa gati,||
tavatikam gantva akkhahatam manne atthasi ti?|| ||

Yam idam deva,||
cakkam chahi divasehi nitthitam||
tassa nemi pi savanka sadosa sakasava,||
ara pi savanka sadosa sakasava,||
nabhi pi savanka sadosa sakasava.|| ||

Tam nemiya pi savankatta sadosatta sakasavatta,||
aranam pi savankatta sadosatta sakasavatta,||
nabhiya pi savankatta sadosatta sakasavatta||
pavattitam samanam yavatika abhisankharassa gati,||
tavatikam gantva cingulayitva bhumiyam papati.|| ||

Yam pana tam deva cakkam chahi masehi nitthitam charattunehi||
tassa nemi pi avanka adosa akasava||
ara pi avanka adosa akasava||
nabhi pi avanka adosa akasava.|| ||

Tam nemiya pi avankatta adosatta akasavatta,||
aranam pi avankatta adosatta akasavatta,||
nabhiya pi avankatta adosatta akasavatta||
pavattitam samanam yavatika abhisankharassa gati,||
tavatikam gantva akkhahatam manne atthasi ti.|| ||

4. Siya kho pana bhikkhave tumbhakam evam assa:||
anno nuna tena samayena so rathakaro ahosi ti.|| ||

Na kho pan'etam bhikkhave evam datthabbam.|| ||

Aham tena samayena so rathakaro ahosi.|| ||

Tada panaham bhikkhave kusalo daruvankanam darudosanam darukasavanam.|| ||

Etarahi kho panaham bhikkhave araham sammasambuddho kusalo kayavankanam kayadosanam kayakasavanam.|| ||

Kusalo vacivankanam vacidosanam vacikasavanam.|| ||

Kusalo manovankanam manodosanam manokasavanam.|| ||

5. Yassa kassaci bhikkhave bhikkhussa va bhikkhuniya va kayavanko appahino kayadoso kayakasavo||
vacivanko appahino vacidoso vacikasavo||
manovanko appahino manodoso [113] manokasavo.|| ||

Evam papatika te bhikkhave imasma dhamma-vinaya||
seyyatha pi tam cakkam chahi divasehi nitthitam.|| ||

Yassa kassaci bhikkhave bhikkhussa va bhikkhuniya va kayavanko pahino kayadoso kayakasavo||
vacivanko pahino vacidoso vacikasavo||
manovanko pahino manodoso manokasavo.|| ||

Evam patitthita te bhikkhave imasmim dhamma-vinaye||
seyyatha pi tam cakkam chahi masehi nitthitam charattunehi.|| ||

Tasmat iha bhikkhave evam sikkhitabbam:|| ||

Kayavankam pajahissama,||
kayadosam,||
kayakasavam.|| ||

Vacivankam pajahissama,||
vacidosam,||
vacikasavam.|| ||

Manovankam pajahissama,||
manodosam,||
manokasavan ti.|| ||

Evam hi vo bhikkhave sikkhitabban ti.|| ||

 


Contact:
E-mail
Copyright Statement