Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 19

Pathama Papanika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam:

Evam me sutam ekam samayam Bhagava Savatthiyam viharati Jetavane Anathapindakassa arame.|| ||

Tihi bhikkhave angehi samannagato papaniko abhabbo anadhigatam va bhogam adhigantum,||
adhigatam va bhogam phatikatum.|| ||

Katamehi tihi?|| ||

Idha bhikkhave papaniko||
pubbanhasamayam na sakkaccam kammantam adhitthati,||
majjhantikasamayam na sakkaccam kammantam adhitthati,||
sayanhasamayam na sakkaccam kammantam adhitthati.|| ||

Imehi kho bhikkhave tihi angehi samannagato papaniko abhabbo anadhigatam va bhogam adhigantum,||
adhigatam va bhogam phatikatum.|| ||

Evam eva kho bhikkhave tihi dhammehi samannagato bhikkhu abhabbo anadhigatam va kusalam dhammam adhigantum,||
adhigatam va kusalam dhammam phatikatum.|| ||

Katamehi tihi?|| ||

Idha bhikkhave bhikkhu pubbanhasamayam na sakkaccam samadhinimittam adhitthati,||
majjhantikasamayam na sakkaccam samadhinimittam adhitthati,||
sayanhasamayam na sakkaccam samadhinimittam adhitthati.|| ||

Imehi kho bhikkhave tihi dhammehi samannagato bhikkhu abhabbo anadhigatam va kusalam dhamamam adhigantum,||
adhigatam va kusalam dhammam phatikatun ti.|| ||

[116] Tihi bhikkhave angehi samannagato papaniko bhabbo anadhigatam va bhogam adhigantum,||
adhigatam va bhogam phatikatum.|| ||

Katamehi tihi?|| ||

Idha bhikkhave papaniko pubbanhasamayam sakkaccam kammantam adhitthati,||
majjhantikasamayam sakkaccam kammantam adhitthati,||
sayanhasamayam sakkaccam kammantam adhitthati.|| ||

Imehi kho bhikkhave tihi angehi samannagato papaniko bhabbo anadhigatam va bhogam adhigantum,||
adhigatam va bhogam phatikatum.|| ||

Evam eva kho bhikkhave tihi dhammehi samannagato bhikkhu bhabbo anadhigatam va kusalam dhammam adhigantum,||
adhigatam va kusalam dhammam phatikatum.|| ||

Katamehi tihi?|| ||

Idha bhikkhave bhikkhu pubbanhasamayam sakkaccam samadhinimittam adhitthati,||
majjhantikam samayam sakkaccam samadhinimittam adhitthati||
sayanhasamayam sakkaccam samadhinimittam adhitthati.|| ||

Imehi kho bhikkhave tihi dhammehi samannagato bhikkhu bhabbo anadhigatam va kusalam dhamamam adhigantum,||
adhigatam va kusalam dhammam phatikatum.|| ||

 


Contact:
E-mail
Copyright Statement