Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
II. Rathakara Vagga

Sutta 20

Dutiya Papanika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam:

Evam me sutam ekam samayam Bhagava Savatthiyam viharati Jetavane Anathapindakassa arame.|| ||

Tihi bhikkhave angehi samannagato papaniko na cirass'eva mahantattam va vepullattam va papunati bhogesu.|| ||

Katamehi tihi?|| ||

Idha bhikkhave papaniko cakkhuma ca hoti,||
vidhuro ca,||
nissayasampanno ca.|| ||

Kathan ca bhikkhave papaniko cakkhuma hoti?|| ||

Idha bhikkhave papaniko paniyam janati.|| ||

Idam paniyam evam kitam evam vikkayamanam ettakam mulam bhavissati ettako udayo ti.|| ||

Evam kho bhikkhave papaniko cakkhuma hoti.|| ||

Kathan ca bhikkhave papaniko vidhuro hoti?|| ||

Idha bhikkhave papaniko kusalo hoti paniyam ketun ca vikketun ca.|| ||

Evam kho bhikkhave papaniko vidhuro hoti.|| ||

Kathan ca bhikkhave papaniko nissayasampanno hoti?|| ||

[117] Idha bhikkhave papaniko ye te gahapati va gahapatiputta va addha mahaddhana mahabhoga te nam evam jananti:|| ||

Ayam kho bhavam papaniko cakkhuma ca vidhuro ca patibalo puttadaran ca posetum.|| ||

Amhakan ca kalena kalam anuppadatun ti.|| ||

Te nam bhogehi nipatanti:|| ||

Ito samma papanika,||
bhoge karitva puttadaran ca posehi amhakan ca kalena kalam anuppadehi ti.|| ||

Evam kho bhikkhave papaniko nissayasampanno hoti.|| ||

Imehi kho bhikkhave tihi angehi samannagato papaniko na cirass'eva mahantattam va vepullattam va papunati bhogesu.|| ||

Evam eva kho bhikkhave tihi dhammehi samannagato bhikkhu na cirass'eva mahantattam va vepullattam va papunati kusalesu dhammesu.|| ||

Katamehi tihi?|| ||

Idha bhikkhave bhikkhu cakkhuma ca hoti vidhuro ca nissayasmpanno ca.|| ||

Kathan ca bhikkhave bhikkhu cakkhuma hoti?|| ||

Idha bhikkhave bhikkhu idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Evam kho bhikkhave bhikkhu cakkhuma hoti.|| ||

Kathan ca bhikkhave bhikkhu vidhuro hoti?|| ||

Idha bhikhave bhikkhu araddhaviriyo viharati akusalanam dhammanam pahanaya kusalanam dhammanam upadaya thamava dalhaparakkamo anikkhittadhuro kusalesu dhammesu.|| ||

Evam eva kho bhikkhave bhikkhu vidhuro hoti.|| ||

Kathan ca bhikkhave bhikkhu nissayasampanno hoti?|| ||

Idha bhikkhave bhikkhu ye te bhikkhu bahussuta agatagama dhammadhara vinayadhara matikadhara.|| ||

Te kalena kalam upasankamitva paripucachati,||
paripanhati.|| ||

Idam bhante katham imassa ko attho ti?|| ||

Tassa te ayasmanto avivatan c'eva vivaranti anuttanikatan ca uttanim karonti,||
anekavihitesu kankhatthaniyesu dhammesu kankham pativinodenti.|| ||

Evam kho bhikkhave bhikkhu nissayasampanno hoti.|| ||

[118] Imehi kho bhikkhave tihi dhammehi samannagato bhikkhu na cirass'eva mahantattam va vepullattam va papunati kusalesu dhammesu ti.|| ||

 

Rathakara vaggo dutiyo|| ||

 


Contact:
E-mail
Copyright Statement