Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
III. Puggala Vagga

Sutta 21

Kaya-Sakkhi Suttam aka Savittha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][olds][bodh][upal] Evam me sutam|| ||

Ekam samayam Bhagava Savatthiyam viharati,||
Jetavane Anathapindikassa arame.|| ||

Atha kho ayasma ca Savittho ayasma ca Maha Kotthito yen'ayasma Sariputto ten'upasankamimsu.|| ||

Upasankamitva ayasmata Sariputtena saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinnam kho ayasmantam Savittham ayasma Sariputto etad avoca:|| ||

Tayo'me avuso Savittha,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

Imesam avuso tinnam puggalanam katamo te puggalo khamati abhikkantataro ca panitataro ca ti?|| ||

Tayo'me avuso Sariputta,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

Imesam avuso tinnam puggalanam yvayam puggalo saddha-vimutto,||
ayam me puggalo khamati,||
imesam tinnam puggalanam abhikkantataro ca,||
panitataro ca.|| ||

Tam kissa hetu?|| ||

Imass avuso puggalassa saddhindurayam adhimattan ti.|| ||

Atha kho ayasma Sariputto ayasmantam Maha Kotthitam etad avoca:|| ||

Tayo me avuso Kotthita,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

[119] Imesam avuso tinnam puggalanam katamo te puggalo khamati,||
abhikkantataro ca panitataro ca ti?|| ||

Tayo'me avuso Sariputta,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

Imesam avuso tinnam puggalanam yvayam puggalo kaya-sakkhi,||
ayam me puggalo khamati,||
imesam tinnam puggalanam abhikkantataro ca panitataro ca.|| ||

Tam kissa hetu?|| ||

Imass avuso puggalassa samadhindriyam adhimattan ti.|| ||

Atha kho ayasma Maha Kotthito ayasmantam Sariputtam etad avoca:|| ||

Tayo'me avuso Sariputta,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

Imesam avuso tinnam puggalanam katamo te puggalo khamati,||
abhikkantataro ca panitataro ca ti?|| ||

Tayo'me avuso Kotthita,||
puggala santo samvijjamana lokasmim.|| ||

Katame tayo?|| ||

Kaya-sakkhi,||
ditthappatto,||
saddha-vimutto.|| ||

Ime kho avuso tayo puggala santo samvijjamana lokasmim.|| ||

Imesam avuso tinnam puggalanam yvayam puggalo ditthappatto,||
ayam me puggalo khamati,||
imesam tinnam puggalanam abhikkantataro ca panitataro ca.|| ||

Tam kissa hetu?|| ||

Imass avuso puggalassa panndriyam adhimattan ti.|| ||

Atha kho ayasma Sariputto ayasmantan ca Savittham ayasmantan ca Maha Kotthitam etad avoca:|| ||

Vyakatam kho avuso amhehi sabbeh'eva yatha sakam patibhanam.|| ||

Ayam avuso yena Bhagava ten'upasankamissama.|| ||

Upasankamitva Bhagavato etam attham arocessama.|| ||

Yatha no Bhagava vyakarissati,||
tatha nam dharessama ti.|| ||

Evam avuso ti kho ayasma ca Savittho ayasma ca Maha Kotthito ayasmato Sariputtassa paccassosum.|| ||

Atha kho ayasma ca Sariputto ayasma ca Savittho ayasma ca Maha Kotthito yena Bhagava ten'upasankamimsu.|| ||

Upasankamitva Bhagavantam abhivadetva eka-m-antam nisidimsu.|| ||

Ekaman- [120] tam nisinno kho ayasma Sariputto yavatako ahosi ayasmata ca Savitthena ayasmata ca Maha Kotthitena saddhim kathasallapo,||
tam sabbam Bhagavato arocesi.|| ||

Na khv'ettha Sariputta sukaram ekamsena vyakatum,||
ayam imesam tinnam puggalanam abhikkantataro ca panitataro ca ti.|| ||

Thanam h'etam Sariputta vijjati yvayam puggalo saddha-vimutto svayam arahattaya patipanno.|| ||

Yvayam puggalo kaya-sakkhi svayam sakadagami va anagami va.|| ||

Yo cayam puggalo ditthappatto so p'assa sakadagami va anagami va.|| ||

Na khv'ettha Sariputta sukaram ekamsena vyakatum ayam imesam tinnam puggalanam abhikkantataro ca panitataro ca ti.|| ||

Thanam h'etam Sariputta vijjati yvayam puggalo kaya-sakkhi svayam arahattaya patipanno.|| ||

Yvayam puggalo saddha-vimutto svayam sakadagami va anagami va.|| ||

Yo cayam puggalo ditthappatto so'passa sakadagami va anagami va.|| ||

Na khv'ettha Sariputta sukaram ekamsena vyakatum ayam imesam tinnam puggalanam abhikkantataro ca panitataro ca ti.|| ||

Thanam h'etam Sariputta vijjati yvayam puggalo ditthappatto svayam arahattaya patipanno.|| ||

Yvayam puggalo saddha-vimutto svayam sakadagami va anagami va.|| ||

Yo cayam puggalo kaya-sakkhi so p'assa sakadagami va anagami va.|| ||

Na khv'ettha Sariputta sukaram ekamsena vyakatum ayam imesam tinnam puggalanam abhikkantataro ca panitataro ca ti.|| ||

 


Contact:
E-mail
Copyright Statement