Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
III. Puggala Vagga

Sutta 23

Sankhara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam|| ||

Ekam samayam Bhagava Savatthiyam viharati,||
Jetavane Anathapindikassa arame.|| ||

Tayo'me bhikkhave puggala santo samvijjamana lokasmim.|| ||

Katame tayo?|| ||

Idha bhikkhave ekacco puggalo||
savyapajjham kayasankharam abhisankharoti,||
savyapajjham vacisankharam abhisankharoti,||
savyapajjham manosankharam abhisankharoti.|| ||

So savyapajjham kayasankharam abhisankharitva||
savyapajjham vacisankharam abhisankharitva||
savyapajjham manosankharam abhisankharitva||
savyapajjham lokam upapajjati.|| ||

Tam enam savyapajjham lokam upapannam samanam savyapajjha phassa phusanti.|| ||

So savyapajjhehi phassehi phuttho samano savyapajjham vedanam vediyati ekantadukkham,||
seyyatha pi satta nerayika.|| ||

Idha pana bhikkhave ekacco puggalo||
avyapajjham kayasankharam abhisankharoti,||
avyapajjham vacisankaram abhisankharoti,||
avyapajjham manosankharam abhisankharoti.|| ||

So avyapajjham kayasankharam abhisankharitva||
avyapajjham vacisankharam abhisankharitva||
avyapajjham manosankharam abhisankharitva||
avyapajjham lokam upapajjati.|| ||

Tam enam avyapajjham lokam upapannam samanam avyapajjha phassa phusanti.|| ||

So avyapajjhehi phassehi phuttho samano avyapajjham vedanam vediyati ekantasukham,||
seyyatha pi deva subhakinna.|| ||

Idha pana bhikkhave ekacco puggalo||
savyapajjham pi avyapajjham pi kayasankharam abhisankharoti,||
savyapajjham pi avyapajjham pi vacisankharam abhisankharoti,||
savyapajjham pi avyapajjham pi manosankharam abhisankharoti.|| ||

So savyapajjham pi avyapajjham pi kayasankharam abhisankharitva||
savyapajjham pi avyapajjham pi vacisankharam abhisankharitva||
savyapajjham pi avyapajjham pi manosankharam abhisankharitva||
savyapajjham pi avya- [123] pajjham pi manosankharam abhisankharitva||
savyapajjham pi avyapajjham pi lokam upapajjati.|| ||

Tam enam savyapajjham pi avyapajjham pi lokam upapannam samanam savyapajjha pi avyapajjha pi phassa phusanti.|| ||

So savyapajjhehi pi avyapajjhehi pi phassehi phuttho samano savyapajjham pi avyapajjham pi vedanam vediyati vokinnam sukhadukkham,||
seyyatha pi manussa,||
ekacce ca deva,||
ekacce ca vinipatika.|| ||

Ime kho bhikkhave tayo puggala santo samvijjamana lokasmin ti.|| ||

 


Contact:
E-mail
Copyright Statement