Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
III. Puggala Vagga

Sutta 25

Vajirupama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evam me sutam|| ||

Ekam samayam Bhagava Savatthiyam viharati,||
Jetavane Anathapindikassa arame.|| ||

Tayo'me bhikkhave puggala santo samvijjamana lokas- [124] mim.|| ||

Katame tayo?|| ||

Arukupamacitto puggalo,||
vijjupamacitto puggalo,||
vajirupamacitto puggalo.|| ||

Katamo ca bikkhave arukupamacitto puggalo?|| ||

Idha bhikkhave ekacco puggalo kodhano hoti upayasabahulo,||
appam pi vutto samano abhisajjati,||
kuppati,||
vyapajjati,||
patitthiyati,||
kopan ca dosan ca appaccayan ca patukaroti.|| ||

seyyatha pi nama duttharuka katthena va kathalena va ghattita bhiyosomattaya asavam deti.|| ||

Evam eva kho bhikkhave idh'ekacco puggalo kodhano hoti upayasabahulo,||
appam pi vutto samano abhisajjati,||
kuppati,||
vyapajjati,||
patittiyati,||
kopan ca dosan ca appaccayan ca patukaroti.|| ||

Ayam vuccati bhikkhave arukupamacitto puggalo.|| ||

Katamo ca bhikkhave vijjupamacitto puggalo?|| ||

Idha bhikkhave ekacco puggalo idam dukkhan ti yathabhutam pajanati,||
ayam dukkhasamudayo ti yathabhutam pajanati,||
ayam dukkhanirodho ti yathabhutam pajanati,||
ayam dukkhanirodhagamini patipada ti yathabhutam pajanati.|| ||

Seyyatha pi, bhikkhave, cakkhuma puriso ratt-andhakara-timisayam vijjantarikaya rupani passeyya|| ||

Evam eva kho, bhikkhave, idh'ekacco puggalo idam dukkhan ti yathabhutam pajanati,||
ayam dukkhasamudayo ti yathabhutam pajanati,||
ayam dukkhanirodho ti yathabhutam pajanati,||
ayam dukkhanirodhagamini patipada ti yathabhutam pajanati.|| ||

Ayam vuccati bhikkhave vijjupamacitto puggalo.|| ||

Katamo ca bhikkhave vajirupamacitto puggalo?|| ||

Idha bhikkhave ekacco puggalo asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

Seyyatha pi, bhikkhave, vajirassa n'atthi kinci abhejjam, mani va pasano va.|| ||

Evam eva kho bhikkhave idh'ekacco puggalo asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

Ayam vuccati bhikkhave vajirupamacitto puggalo.|| ||

Ime kho bhikkhave tayo puggala santo samvijjamana lokasmin ti.|| ||

 


Contact:
E-mail
Copyright Statement