Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
III. Puggala Vagga

Sutta 27

Jigucchitabba Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[126]

[1][pts][bodh] Evam me sutam|| ||

Ekam samayam Bhagava Savatthiyam viharati,||
Jetavane Anathapindikassa arame.|| ||

Tayo'me bhikkhave puggala santo samvijjamana lokasmim.|| ||

Katame tayo?|| ||

Atthi bhikkhave puggalo jigucchitabbo,||
na sevitabbo,||
na bhajitabbo,||
na payirupasitabbo.|| ||

Atthi bhikkhave puggalo ajjhupekkhitabbo,||
na sevitabbo,||
na bhajitabbo,||
na payirupasitabbo.|| ||

Atthi bhikkhave puggalo sevitabbo,||
bhajitabbo,||
payirupasitabbo.|| ||

Katamo ca bhikkhave puggalo jigucchitabbo,||
na sevitabbo,||
na bhajitabbo,||
na payirupasitabbo?|| ||

Idha bhikkhave ekacco puggalo dussilo hoti papadhammo asuci samkassarasamacaro patichannakammanto assamano samanapatinno abrahmacari brahmacaripatinno antoputi avassuto kasambujato.|| ||

Evarupo bhikkhave puggalo jigucchitabbo, na sevitabbo,||
na bhajitabbo,||
na payirupasitabbo.|| ||

Tam kissa hetu?|| ||

Kincapi bhikkhave evarupassa puggalassa na ditthanugatim apajjati,||
atha kho nam papako kittisaddo abbhuggacchati papamitto purisapuggalo papasahayo papasampavanko ti.|| ||

Seyyatha pi, bhikkhave, ahi guthagato,||
kincapi na damsati,||
atha kho nam makkheti.|| ||

Evam eva kho bhikkhave kincapi evarupassa puggalassa na ditthanugatim apajjati,||
atha kho nam papako kittisaddo abbhuggacchati papamitto purisapuggalo papasahayo papasampavanko ti.|| ||

Tasma evarupo puggalo jigucchitabbo,||
na sevitabbo,||
na bhajitabbo,||
na payirupasitabbo.|| ||

Katamo ca bhikkhave puggalo ajjhupekkhitabbo,||
na sevitabbo,||
na bhajitabbo,||
na payirupasitabbo?|| ||

Idha bhikkhave ekacco puggalo kodhano hoti||
upayasa- [127] bahulo,||
appam pi vutto samano abhisajjati,||
kuppati,||
vyapajjati,||
patitthiyati,||
kopan ca dosan ca appaccayan ca patukaroti.|| ||

Seyyatha pi bhikkhave duttharuko katthena va kathalena va kathalaya va ghattito bhiyosomattaya asavam deti.|| ||

Evam eva kho bhikkhave idh'ekacco puggalo kodhano hoti,||
upayasabahulo,||
appam pi vutto samano abhisajjati,||
kuppati,||
vyapajjati,||
patitthiyati,||
kopan ca dosan ca appaccayan ca patukaroti.|| ||

Seyyatha pi bhikkhave tindukalatam katthena va kathalaya va ghattitam bhiyosomattaya ciccitayati, citicitayati.|| ||

Evam eva kho bhikkhave idh'ekacco puggalo kodhano hoti,||
upayasabahulo,||
appam pi vutto samano abhisajjati,||
kuppati,||
vyapajjati,||
patitthiyati,||
kopan ca dosan ca appaccayan ca patukaroti.|| ||

Seyyatha pi bhikkhave guthakupo katthena va kathalaya va ghattito bhiyosomattaya duggandho hoti.|| ||

Evam eva kho bhikkhave idh'ekacco puggalo kodhano hoti,||
upayasabahulo,||
appam pi vutto samano abhisajjati,||
kuppati,||
vyapajjati,||
patitthiyati,||
kopan ca dosan ca apaccayan ca patukaroti.|| ||

Evarupo bhikkhave puggalo ajjhupekkhitabbo,||
na sevitabeba,||
na bhajitabbo,||
na payirupasitabbo.|| ||

Tam kissa hetu?|| ||

Akkoseyya pi mam,||
paribhaseyya pi mam,||
anattham pi mam kareyya ti.|| ||

Tasma evarupo puggalo ajjhupekkhitabbo,||
na sevitabbo,||
na bhajitabbo,||
na payirupasitabbo.|| ||

Katamo ca bhikkhave puggalo sevitabbo,||
bhajitabbo,||
payirupasitabbo?|| ||

Idha bhikkhave ekacco puggalo silava hoti kalyanadhammo.|| ||

Evarupo bhikkhave puggalo sevitabbo,||
bhajitabbo,||
payirupasitabbo.|| ||

Tam kissa hetu?|| ||

Kinca pi bhikkhave evarupassa puggalassa na ditthanugatim apajjati.|| ||

Atha kho nam kalyano kittisaddo abbhuggacchati:|| ||

"Kalyanamitto purisapuggalo,||
kalyanasahayo,||
kalyanasampavanko" ti.|| ||

Tasma evarupo puggalo sevitabbo,||
bhajitabbo,||
payirupasitabbo.|| ||

Ime kho bhikkhave tayo puggala santo samvijjamana lokasmin ti.|| ||

 


Contact:
E-mail
Copyright Statement