Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tika Nipato
III. Puggala Vagga

Sutta 29

Andha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[128]

[1][pts][bodh] Evam me sutam|| ||

Ekam samayam Bhagava Savatthiyam viharati,||
Jetavane Anathapindikassa arame.|| ||

Tayo'me bhikkhave puggala santo samvijjamana lokasmim.|| ||

Katame tayo?|| ||

Andho,||
ekacakkhu,||
dvicakkhu.|| ||

Katamo ca bhikkhave puggalo andho?|| ||

Idha bhikkhave ekaccassa puggalassa tatharupam cakkhu [129] na hoti,||
yatharupena cakkhuna anadhigatam va bhogam adhigaccheyya,||
adhigatam va bhogam phatim kareyya.|| ||

Tatharupam pi'ssa cakkhu na hoti,||
yatharupena cakkhuna kusalakusale dhamme janeyya,||
savajjanavajje dhamme janeyya,||
hinappanite dhamme janeyya,||
kanhasukka-sappatibhage dhamme janeyya.|| ||

Ayam vuccati bhikkhave puggalo andho.|| ||

Katamo ca bhikkhave puggalo ekacakkhu?|| ||

Idha bhikkhave ekaccassa puggalassa tatharupam cakkhu hoti,||
yatharupena cakkhuna anadhigatam va bhogam adhigaccheyya,||
adhigatam va bhogam phatikareyya.|| ||

Tatharupam pi'ssa cakkhu na hoti,||
yatharupena cakkhuna kusalakusale dhamme janeyya,||
savajjanavajje dhamme janeyya,||
hinappanite dhamme janeyya,||
kanhasukka-sappatibhage dhamme janeyya.|| ||

Ayam vuccati bhikkhave puggalo ekacakkhu.|| ||

Katamo ca bhikkhave puggalo dvicakkhu?|| ||

Idha bhikkhave ekaccassa puggalassa tatharupam cakkhu hoti,||
yatharupena cakkhuna anadhigatam va bhogam adhigaccheyya,||
adhigatam va bhogam phatim kareyya||
tatharupam pi'ssa cakkhu hoti,||
yatharupena cakkhuna kusalakusale dhamme janeyya,||
savajjanavajje dhamme janeyya,||
hinappanite dhamme janeyya,||
kanhasukka-sappatibhage dhamme janeyya.|| ||

Ayam vuccati bhikkhave puggalo dvicakkhu.|| ||

Ime kho bhikkhave tayo puggala santo samvijjamana lokasmin ti.|| ||

3. Na c'eva bhoga tatharupa na ca punnani kubbati,||
Ubhayattha kaliggaho andhassa hatacakkhuno.|| ||

4. Athaparayam akkhato ekacakkhu ca puggalo,||
Dhammadhammena samsattho bhogani pariyesati.|| ||

5. Theyyena kutakammena musavadena c'ubhayam,||
Kusalo hoti sanghatum kamabhogi ca manavo,||
Ito so Nirayam gantva ekacakkhu vihannati.|| ||

6. Dvicakkhu pana akkhato settho purisapuggalo,||
Dhammaladdhehi bhogehi utthanadhigatam dhanam.|| ||

[130] 7. Dadati setthasankappo avyaggamanaso naro,||
Upeti bhaddakam thanam yattha ganatva na socati.|| ||

8. Andhan ca ekacakkhun ca araka parivajjaye,||
Dvicakkhum pana sevetha settham purisapuggalan ti.|| ||

 


Contact:
E-mail
Copyright Statement