Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
IV. Devaduta Vagga

Sutta 34

Hatthaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][bodh] Evam me sutam.|| ||

Ekam samayam Bhagava Alaviyam viharati Gomagge Simsapavane pannasanthare.|| ||

Atha ko Hatthako Alavako janghaviharam anucankamamano anuvicaramano addasa Bhagavantam Gomagge Simsapavane pannasatthare nisinnam.|| ||

Disva yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Hatthako Alavako Bhagavantam etad avoca:|| ||

Kacci bhante Bhagava sukham asayittha ti?|| ||

Evam kumara sukham asayittham.|| ||

Ye ca pana loke sukham senti,||
aham tesam annataro ti.|| ||

Sita bhante hemantika ratti,||
antaratthako himapatasamayo,||
khara gokantakahata bhumi,||
tanuko pannasattharo,||
viralani [137] rukkhassa pattani,||
sitani kasayani vatthani,||
sito ca verambavato vati.|| ||

Atha ca pana Bhagava evam aha:|| ||

Evam kumara sukham asayittham.|| ||

Ye ca pana loke sukham senti,||
aham tesam annataro ti.|| ||

Tena hi kumara tam yeva ettha patipucchissami.|| ||

Yatha te khameyya,||
tatha nam vyakareyyasi.|| ||

Tam kim mannasi kumara?|| ||

Idh'assa gahapatissa va gahapatiputtassa va kutagaram ullitavalittam nivatam phussitaggalam pihitavatapanam.|| ||

Tatr'assa pallanko gonakatthato patikatthato patalikatthato kadalimigapavara pacc'attharano sa-uttaracchado ubhatolohitakupadhano.|| ||

Telappadipo c'ettha jhayeyya.|| ||

Catasso ca pajapatiyo ca manapamanapena paccupatthitassu.|| ||

Tam kim mannasi kumara sukham va so sayeyya no va katham va te ettha hoti ti?|| ||

Sukham so bhante sayeyya.|| ||

Ye ca pana loke sukham senti,||
so tesam annataro ti.|| ||

Tam kim mannasi kumara?|| ||

Api nu tassa gahapatissa va gahapatiputtassa va uppajjeyyum ragaja parilaha kayika va cetasika va,||
yehi so ragajehi parilahehi paridayhamano dukkham sayeyya ti?|| ||

Evam bhante.|| ||

Ye hi kho so kumara,||
gahapati va gahapatiputto va ragajehi parilahehi paridayhamano dukkham sayeyya,||
so rago Tathagatassa pahino ucchinnamulo talavatthukato anabhavakato ayatim anuppadadhammo.|| ||

Tasmaham sukham asayittham.|| ||

Tam kim mannasi kumara?|| ||

Api nu tassa gahapatissa va gahapatiputtassa va uppajjeyyum dosaja parilaha kayika va cetasika va,||
yehi so dosajehi parilahehi paridayhamano dukkham sayeyya ti?|| ||

Evam bhante.|| ||

Ye hi kho so kumara,||
gahapati va gahapatiputto va dosajehi parilahehi paridayhamano dukkham sayeyya,||
so doso Tathagatassa pahino ucchinnamulo talavatthukato anabhavakato ayatim anuppadadhammo.|| ||

Tasmaham sukham asayittham.|| ||

Tam kim mannasi kumara?|| ||

Api nu tassa gahapatissa va gahapatiputtassa va uppajjeyyum mohaja parilaha kayika va cetasika va,||
yehi so mohajehi parilahehi paridayhamano dukkham sayeyya ti?|| ||

Evam bhante.|| ||

Ye hi kho so kumara,||
gahapati va gahapatiputto va mohajehi parilahehi paridayhamano dukkham sayeyya,||
so moho Tathagatassa pahino ucchinnamulo talavatthukato ana- [138] bhavakato ayatim anuppadadhammo.|| ||

Tasmaham sukham asayittham ti.|| ||

Sabbada ve sukham seti brahmano parinibbuto,||
Yo na lippati kamesu sitibhuto nirupadhi.||
Sabba asattiyo chetva vineyya hadaye daram,||
Upasanto sukham seti santim pappuyya cetaso ti.|| ||

 


Contact:
E-mail
Copyright Statement