Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
IV. Devaduta Vagga

Sutta 37

Dutiya Catu-Maharaja Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[143]

[1][bit][pts][bodh] Evam me sutam.|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Bhutapubbam bhikkhave Sakko devanam indo deve Tavatimse anunayamano tayam velayam imam gatham abhasi:|| ||

[144] Catuddasim pancadasi yava pakkhassa atthami||
Patihariyapakkhan ca atthangasusamagatam,||
Uposatham upavaseyya yo p'assa madiso naro ti.|| ||

Sa kho pan'esa bhikkhave Sakkena devanam indena gatha duggita, na sugita,||
dubbhasita, na subhasita.|| ||

Tam kissa hetu?|| ||

Sakko bhikkave devanam indo avitarago avitadoso avitamoho.|| ||

Yo ca kho so bhikkhave bhikkhu araham khinasavo vusitava katakaraniyo ohitabharo anuppatta-sadattho parikkhinabhavasamyojano sammadanna-vimutto.|| ||

Tassa kho etam bhikkhave bhikkhuno kallam vacanaya:|| ||

Catuddasim pancadasi yava pakkhassa atthami||
Patihariyapakkham ca atthangasusamagatam,||
Uposatham upavaseyya yo p'assa madiso naro ti.|| ||

Tam kissa hetu?|| ||

So hi bhikkhave bhikkhu vitarago vitadoso vitamoho ti.|| ||

Bhutapubbam bhikkhave Sakko devanam indo deve Tavatimse anunayamano tayam velayam imam gatham abhasi:-|| ||

Catuddasi pancadasi yava pakkhassa atthami,||
Patihariyapakkham ca atthangasusamagatam||
Uposatham upavaseyya yo p'assa madiso naro ti.|| ||

Sa kho pan'esa bhikkhave Sakkena devanam indena gatha duggita, na sugita,||
dubbhasita, na subhasita.|| ||

Tam kissa hetu?|| ||

Sakko hi bhikkhave devanam indo aparimutto jatiya jaraya maranena sokehi paridevehi dukkhehi domanassehi upayasehi,||
aparimutto dukkhasma ti vadami.|| ||

Yo ca kho so bhikkhave bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano sammadanna-vimutto,||
tassa kho etam bhikkhave bhikkhuno kallam vacanaya.|| ||

Catuddasi pancadasi yava pakkhassa atthami||
Patihariyapakkhan ca atthangasusamagatam,||
Uposatham upavaseyya yo p'assa madiso naro ti. || ||

[145] Tam kissa hetu?|| ||

So bhikkhave bhikkhu parimutto jatiya jaraya maranena sokehi paridevehi dukkhehi domanassehi upayasehi,||
parimutto dukkhasma ti vadami.|| ||

 


Contact:
E-mail
Copyright Statement