Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
IV. Devaduta Vagga

Sutta 40

Adhipateyya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[147]

[1][pts][than][bodh] Evam me sutam.|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

"Tin'imani bhikkhave adhipateyyani.|| ||

Katamani tini?|| ||

Atta-dhipateyyam,||
loka-dhipateyyam,||
dhamma-dhipateyyam.|| ||

Katamam ca bhikkhave attadhipateyyam?|| ||

idha bhikkhave bhikkhu arannagato va rukkha-mula-gato va sunna-gara-gato va iti patisancikkhati:|| ||

'Na kho panaham civara-hetu agarasma anagariyam pabbajito,||
na pindapata-hetu agarasma anagariyam pabbajito,||
na senasana-hetu agarasma anagariyam pabbajito,||
na iti-bhava-bhava-hetu agarasma anagariyam pabbajito.|| ||

"Api ca kho'mhi otinno jatiya jaraya maranena sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha" ti.|| ||

Ahan c'eva kho pana [148] yadisake va kame ohaya agarasma anagariyam pabbajito,||
tadisake va kame pariyeseyyam,||
tato va papitthatare,||
na me tam assa patirupan' ti.|| ||

So iti patisancikkhati:|| ||

'Araddham kho pana me viriyam bhavissati asallinam,||
upatthita sati asammuttha,||
passaddho kayo asaraddho,||
samahitam cittam ekaggan' ti.|| ||

So attanam yeva adhipateyyam karitva akusalam pajahati,||
kusalam bhaveti,||
savajjam pajahati,||
anavajjam bhaveti,||
suddham attanam pariharati.|| ||

Idam vuccati bhikkhave 'attadhipateyyam'.|| ||

2. Kataman ca bhikkhave lokadhipateyyam?|| ||

Idha bhikkhave bhikakhu arannagato va rukkha-mula-gato va sunna-gara-gato va iti patisancikkhati:|| ||

'Na kho panaham civara-hetu agarasma anagariyam pabbajito,||
na pindapata-hetu agarasma anagariyam pabbajito,||
na senasana-hetu agarasma anagariyam pabbajito,||
na iti-bhava-bhava-hetu agarasma anagariyam pabbajito.|| ||

"Api ca kho'mhi otinno jatiya jaraya maranena sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha" ti.|| ||

Ahan c'eva kho pana evam pabbajito||
samano kama-vitakkam va vitakkeyyam,||
vyapada-vitakkam va vitakkeyyam,||
vihimsa-vitakkam va vitakkeyyam -||
maha kho panayam loka-sannivaso -||
mahantasmim kho pana loka-sannivase santi samana-brahmana iddhi-manto||
dibba-cakkhuka paracitta-viduno.|| ||

Te durato pi passanti,||
asanna pi na disasanti,||
cetasa pi cittam pajananti.|| ||

Te pi mam evam janeyyum:|| ||

"Passatha bho imam kulaputtam,||
saddha agarasma anagariyam pabbajito samano vokinno viharati papakehi akusalehi dhammehi" ti.|| ||

Devata pi kho santi iddhi-mantiniyo dubba-cakkhuka paracitta-viduniyo.|| ||

Ta durato pi passanti,||
asanna pi na dissanti,||
cetasa pi cittam pajananti.|| ||

Ta pi mam evam janeyyum:|| ||

"Passatha bho imam kulaputtam,||
saddha agarasma anagariyam pabbajito samano vokinno viharati papakehi akusalehi dhammehi" ti.|| ||

So iti patisamcikkhati:|| ||

'Araddham kho pana me viriyam [149] bhavissati asallinam,||
upatthita sati asammuttha,||
passaddho kayo asaraddho,||
samahitam cittam ekaggan' ti.|| ||

So lokam yeva adhipatim karitva akusalam pajahati,||
kusalam bhaveti,||
savajjam pajahati,||
anavajjam bhaveti,||
suddham attanam pariharati.|| ||

Idam vuccati bhikkhave 'loka-dhipateyyam'.

Kataman ca bhikkhave dhammadhipateyyam?|| ||

Idha bhikkhave bhikakhu arannagato va rukkha-mula-gato va sunna-gara-gato va iti patisancikkhati:|| ||

'Na kho panaham civara-hetu agarasma anagariyam pabbajito,||
na pindapata-hetu agarasma anagariyam pabbajito,||
na senasana-hetu agarasma anagariyam pabbajito,||
na iti-bhava-bhava-hetu agarasma anagariyam pabbajito.|| ||

"Api ca kho'mhi otinno jatiya jaraya maranena sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha" ti.|| ||

Svakkhato Bhagavata dhammo sanditthiko akaliko ehipassiko opanayiko paccattam veditabbo vinnuhi' ti.|| ||

Santi kho pana me sabrahmacari janam passam viharanti.|| ||

Ahan c'eva kho pana evam svakkhate dhamma-vinaye pabbajito samano kusito vihareyyam pamatto,||
na me tam assa patirupan' ti.|| ||

So iti patisamcikkhati:|| ||

'Araddham kho pana me viriyam bhavissati asallinam,||
upatthita sati asammuttha,||
passaddho kayo asaraddho,||
samahitam cittam ekaggan' ti.|| ||

So dhammam yeva adhipatim karitva akusalam pajahati,||
kusalam bhaveti,||
savajjam pajahati,||
anavajjam bhaveti,||
suddham attanam pariharati.|| ||

Idam vuccati bhikkhave 'dhamma-dhipateyyam'.|| ||

Imani kho bhikkhave tini adhipateyyani" ti.|| ||

N'atthi loke raho nama papakammam pakubbato.||
Atta te purisa janati saccam va yadi va musa.||
Kalyanam vata bho sakkhi attanam atimannasi.||
Yo santam attani papam attanam pariguhasi.||
[150] Passanti deva ca Tathagata ca lokasmim balam visamam carantam.||
Tasma hi atta-dhipako sato care loka-dhipo ca nipako ca jhayi.||
Dhamma-dhipo ca anudhammacari na hiyati saccaparakkamo muni.||
Pasayha Maram abhibhuyya antakam yo ca phusi jatikhayam padhanava,||
Sa tadiso lokavidu sumedho sabbesu dhammesu atammayo muni ti.|| ||

Devaduta Vaggo Catuttho.|| ||

 


Contact:
E-mail
Copyright Statement