Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
VI. Brahmana Vagga

Sutta 52

Dutiya Dve Brahmana (Dvejana) Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[156]

[1][pts][bodh][than] Evam me sutam.|| ||

Evam me sutam ekam samayam Bhagava Savatthiyam viharati.|| ||

Atha kho dve brahmana jinna vuddha mahallaka addhagata vayo-anuppatta visam-vassasatika jatiya,||
yena Bhagava ten'upasankamimsu.|| ||

Upasamkamitva Bhagavata saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinna kho te brahmana Bhagavantam etad avocum:|| ||

'Mayam assu bho Gotama brahmana jinna vuddha mahallaka addhagata vayo-anuppatta visam-vassasatika jatiya.|| ||

Te c'amha akatakalyana akatakusala akatabhiruttana.|| ||

Ovadatu no bhavam Gotamo,||
anusasatu no bhavam Gotamo yam amhakam assa digha-rattam hitaya sukhaya ti.|| ||

Taggha tumhe brahmana jinna vuddha mahallaka addhagata vayo-anuppatta visam-vassasatika jatiya.|| ||

Te c'attha akatakalyana akatakusala akatabhiruttana.|| ||

Aditto kho ayam brahmana loko jaraya vyadhina maranena.|| ||

Evam aditte kho brahmana loke jaraya vyadhina maranena yo'dha kayena samyamo,||
vacaya samyamo,||
manasa samyamo,||
tam tassa petassa tanam ca lenan ca dipan ca saranan ca parayanan ca ti.|| ||

Adittasmim agarasmim yam niharati bhajanam,||
Tam tassa hoti atthaya no ca yam tattha dayhati.||
Evam adipito loko jaraya maranena ca,||
Nihareth'eva danena dinnam hoti sunihatam||
Yo'dha kayena sannamo vacaya uda cetasa,||
Tam tassa petassa sukhaya hoti||
yam jivamano pakaroti punnan ti.|| ||

 


Contact:
E-mail
Copyright Statement