Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
VI. Brahmana Vagga

Sutta 56

Paloka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[159]

[1][pts][bodh] Evam me sutam.|| ||

Evam me sutam ekam samayam Bhagava Savatthiyam viharati.|| ||

Atha kho annataro brahmano mahasalo yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Janussoni brahmano Bhagavantam etad avoca:|| ||

"Sutam me tam bho Gotama pubbakanam brahmananam vuddhanam mahallakanam acariyapacariyanam bhasamananam:|| ||

'Pubb'assudam ayam loko avici manne phuto ahosi manussehi,||
kukkuta-sampatika gamanigamarajadhaniyo' ti.|| ||

Ko nu kho bho Gotama hetu,||
ko paccayo yen'etarahi manussanam khayo hoti,||
tanuttam pannayati,||
gama pi agama [160] honti,||
nigama pi anigama honti,||
nagara pi anagara honti,||
janapada pi ajanapada honti" ti?|| ||

Etarahi brahmana manussa adhammaragaratta visamalobhabhibhuta micchadhammapareta.|| ||

Te adhammaragaratta visamalobhabhibhuta micchadhammapareta tinhani satthani gahetva annamannassa jivita voropenti.|| ||

Tena bahu manussa kalam karonti ti.|| ||

Ayam pi ko brahmana hetu,||
ayam paccayo yen'etarahi manussanam khayo hoti,||
tanuttam pannayati,||
gama pi agama honti,||
nigama pi anigama honti,||
nagara pi anagara honti,||
janapada pi ajanapada honti.|| ||

Puna ca param brahmana etarahi manussa adhammaragaratta visamalobhabhibhuta micchadhammapareta.|| ||

Tesam adhammaragarattanam visamalobhabhibhutanam micchadhammaparetanam devo na samma dharam anuppavecchati.|| ||

Tena dubbhikkham hoti dussassam setatthikam salakavuttam.|| ||

Tena bahu manussa kalam karonti ti.|| ||

Ayam pi kho brahmana hetu,||
ayam paccayo yen'etarahi manussanam khayo hoti,||
tanuttam pannayati,||
gama pi agama honti,||
nigama pi anigama honti,||
nagara pi anagara honti,||
janapada pi ajanapada honti.|| ||

Puna ca param brahmana etarahi manussa adhammaragaratta visamalobhabhibhuta micchadhammapareta.|| ||

Tesam adhammaragarattanam visamalobhabhibhutanam micchadhammaparetanam yakkha va'e amanusse ossajanti.|| ||

Tena bahu manussa kalam karonti ti.|| ||

Ayam pi kho brahmana hetu,||
ayam paccayo yen'etarahi manussanam khayo hoti,||
tanuttam pannayati,||
gama pi agama honti,||
nigama pi anigama honti,||
nagara pi anagara honti,||
janapada pi ajanapada honti.|| ||

Abhikkantam bho Gotama,||
seyyatha pi bho Gotama nikkujjitam va ukkujjitem va ukkujjeyya,||
paticchannam va vivareyya,||
mulhassava maggam acikkheyya,||
andhakare va telapajjotam dhareyya,||
cakkhumanto rupani dakkhinti ti.|| ||

Evavevam bhota Gotamena aneka-pariyayena dhammo pakasito.|| ||

Ete mayambhante bhavantam Gotamam saranam gacchama,||
dhamman ca bhikkhu-sanghan ca.|| ||

Upasake no bhavam Gotamo dharetu ajjatagge panupete saranamgatan ti.|| ||

 


Contact:
E-mail
Copyright Statement