Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
VI. Brahmana Vagga

Sutta 57

Vacchagotta Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[160]

[1][pts][than][bodh] Evam me sutam.|| ||

Evam me sutam ekam samayam Bhagava Savatthiyam viharati.|| ||

Atha kho Vacchagotto paribbajako yena Bhagava ten'upasankami upasamkamitva Bhagavata saddhim sammodi.|| ||

Sammodani katham saraniyam vitisaretva.|| ||

Eka-m-antam nisinno kho Vacchagotto paribbajako Bhagavantam etad avoca:|| ||

Sutam me tam bho Gotama Samano Gotamo evam aha:|| ||

'Mayham eva danam [161] databbam,||
na annesam danam databbam,||
mayham eva savakanam danam databbam,||
na annesam savakanam danam databbam,||
mayham eva dinnam mahapphalam,||
na annesam dinnam mahapphalam,||
mahham eva savakanam dinnam mahapphalam,||
na annesam savakanam dinnam mahapphalan' ti.|| ||

Ye te bho Gotama evam ahamsu:||
Samano Gotamo evam aha:|| ||

'Mayham eva danam databbam,||
na annesam danam databbam,||
mayham eva savakanam danam databbam,||
na annesam savakanam danam databbam,||
mayham eva dinnam mahapphalam,||
na annesam dinnam mahapphalam,||
mahham eva savakanam dinnam mahapphalam,||
na annesam savakanam dunnam mahapphalan' ti.|| ||

Kacci te bhoto Gotamassa vuttavadino?|| ||

Na ca bhavantam Gotamam abhutena abbhacikkhanti?|| ||

Dhammassa canudhammam vyakaronti?|| ||

Na ca koci sahadhammiko vadanupato garayham thanam agacchati?|| ||

Anabbhakkhatukama hi mayam bhavantam Gotaman ti.|| ||

Ye te Vaccha evam ahamsu samano Gotamo evam aha:|| ||

'Mayham eva danam databbam,||
na annesam danam databbam,||
mayham eva savakanam danam databbam,||
na annesam savakanam danam databbam,||
mayham eva dinnam mahapphalam,||
na annesam dinnam mahapphalam,||
mahham eva savakanam dinnam mahapphalam,||
na annesam savakanam dunnam mahapphalan' ti.|| ||

Na me te vuttadino,||
abbhacikkhanti ca pana mam te asata abhutena.|| ||

Yo kho Vaccha param danam dadantam vareti,||
so tinnam antarayakaro hoti,||
tinnam paripanathiko.|| ||

Katamesam tinnam?|| ||

Dayakassa punnantarayakaro hoti,||
patiggahakanam labhantarayakaro hoti.|| ||

Pubb'eva kho pan'assa atta khato ca hoti upahato ca.|| ||

Yo kho Vaccha param danam dadantam vareti,||
so imesam tinnam antarayakaro hoti,||
tinnam paripanthiko.|| ||

Aham kho pana Vaccha evam vadami:||
ye pi te candanikaya va o'igalle va pana,||
tatra pi yo thalidhovanam va saravadhopanam va chaddeti.|| ||

Ye tattha pana,||
te yena yapentu ti.|| ||

Tato nidanam paham Vaccha punnassa agamam vadami.|| ||

Ko pana vado manussabhute.|| ||

Api caham Vaccha silavato dinnam mahapphalam vadami,||
no tatha dussile.|| ||

So ca hoti,||
pancangavippahino pancangasamannagato.|| ||

Katamani pancangani pahinani honti?|| ||

Kamacchando pahino hoti,||
vyapado pahino hoti,||
thina- [162] middham pahinam hoti.|| ||

Uddhaccakukkuccam pahinam hoti,||
vicikiccha pahina hoti.|| ||

Imani pancangani pahinani honti.|| ||

Katamehi pancahangehi samannagato hoti?|| ||

Asekkhena silakkhandhena samannagato hoti,||
asekkhena samadhikkhandhena samannagato hoti,||
asekkhena pannakkhandhena samannagato hoti,||
asekkhena vimuttikkhandhena samannagato hoti.|| ||

Asekkhena vumuttinanadassanakkhandhena samannagato hoti.|| ||

Imehi pancangehi samannagato hoti.|| ||

Iti pancangavippahine pancangasamannagate dinnam mahapphalam vadami ti.|| ||

Iti kanhasu setasu rohinisu harisu va,||
Kammasasu sarupasu gosu parevatasu va.||
Yasu kasu ca etasu danto jayati pungavo,||
Dhorayho balasampanno kalyanajavanikkamo.||
Tam eva bhare yunjanti nassa vannam parikkhare,||
Evam eva manussesu yasmim kasmin ca jatiyam.||
Khattiye brahmane vesse sudde candalapukkuse,||
Yasu kasu ca etasu danto jayati subbato.||
Dhammattho silasampanno saccavadi hirimano,||
Pahinajatimarano brahmacariyassa kevali.||
Pannabharo visamyutto katakicco anasavo,||
Paragu sabbadhammanam anupadaya nibbuto.||
Tasmin yeva viraje khette vipula hoti dakkhina,||
Bala ca avijananta dummedha assutavino.||
Bahiddha dadanti dana na hi sante upasare,||
Yo ca sante upasanti sappanne dhirasammate.||
Saddha ca tesam sugate mulajata patitthita,||
Devalokan ca te yanti kule va idha jayare.||
Anupubbena nibbanam adhigacchanti pandita ti.|| ||

 


Contact:
E-mail
Copyright Statement