Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
VIII. Ananda Vagga

Sutta 79

Gandhajata Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[225]

[1][pts] Evam me sutam.|| ||

Ekam samayam ayasma Ananda Vesaliyam viharati||
Mahavane Kumagarasalayam|| ||

Atha kho ayasma Ananda yena Bhagava ten'upasankami|| ||

Upasankamitva Bhagavantam abhivadetva eka-m-antam nisidi|| ||

Eka-m-antam nisinnam kho ayasma Ananda Bhagavantam etad avoca:|| ||

"Tin'imani bhante gandhajatani yesam anuvatam yeva gandho gacchati,||
no pativatam.|| ||

Katamani tini?|| ||

Mulagandho,||
saragandho,||
pupphagandho.|| ||

Imani kho bhante tini gandhajatani yesam anuvatam yeva gandho gacchati,||
no pativatam.|| ||

Atthi nu kho bhante kinci gandhajatam yassa anuvatam pi gandho gacchati,||
pativatam pi gandho gacchati,||
anuvata-pativatam pi gandho gacchati" ti?|| ||

"Atth'Ananda gandhajatam yassa anuvatam pi gandho [226] gacchati,||
pativatam pi gandho gacchati,||
anuvata-pativatam pi gandho gacchati" ti.|| ||

2. "Kataman ca pana tam bhante gandhajatam,||
yassa anuvatam pi gandho gacchati,||
pativatam pi gandho gacchati,||
anuvata-pativatam pi gandho gacchati" ti?|| ||

"Idh'Ananda yasmim game va nigame va itthi va puriso va||
Buddham saranam gato hoti,||
dhammam saranam gato hoti,||
sangham saranam gato hoti,||
panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti,||
silava hoti kalyanadhammo,||
vigatamalamaccherena cetasa agaram ajjhavasati,||
muttacago payatapani vossaggarato yacayogo danasamvibhagarato.|| ||

Tassa disasu samana-brahmana vannam bhasanti:|| ||

'Asukasmim nama game va nigame va itthi va puriso va||
Buddham saranam gato hoti,||
dhammam saranam gato hoti,||
sangham saranam gato hoti,||
panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti,||
silava hoti kalyanadhammo,||
vigatamalamaccherena cetasa agaram ajjhavasati,||
muttacago payatapani vossaggarato yacayogo danasamvibhagarato' ti.|| ||

Devata pi'ssa amanussa vannam bhasanti:|| ||

'Asukasmim nama game va nigame va itthi va puriso va||
Buddham saranam gato hoti,||
dhammam saranam gato hoti,||
sangham saranam gato hoti,||
panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti,||
silava hoti kalyanadhammo,||
vigatamalamaccherena cetasa agaram ajjhavasati,||
muttacago payatapani vossaggarato yacayogo danasamvibhagarato' ti.|| ||

Idam kho tam Ananda gandhajatam||
yassa anuvatam pi gandho gacchati,||
pativatam pi gandhe gacchati,||
anuvata-pativatam pi gandho gacchati" ti.|| ||

Na pupphagandho pativatam eti||
Na candanam tagaramallika va,||
Satan ca gandho pativatam eti||
Sabba disa sappuriso pavati ti.|| ||

 


Contact:
E-mail
Copyright Statement