Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
X. Lonaphala Vagga

Sutta 92

Paviveka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[240]

[1][pts] Evam me sutam.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Tin'imani bhikkhave annatitthiya paribbajaka pavivekani pannapenti.|| ||

Katamani tini?|| ||

Civara-pavivekam||
pindapata-pavivekam||
senasana-pavivekam.|| ||

Tatr'adam bhikkhave annatitthiya paribbajaka civara-pavivekasmim pannapenti:|| ||

Sanani pi dharenti,||
masanani pi dharenti,||
chavadussani pi dharenti,||
pamsukulani pi dharenti,||
tiritakani pi dharenti,||
ajinani pi dharenti,||
ajinakkhipam pi dharenti,||
kusaciram pi dharenti,||
vakaciram pi dharenti,||
phalakaciram pi dharenti,||
kesakambalam pi dharenti||
valakambalam [241] pi dharenti,||
ulukapakkhikam pi dharenti.|| ||

Idam kho bhikkhave annatitthiya paribbajaka civara-pavivekasmim pannapenti.|| ||

Tatr'idam bhikkhave annatitthiya paribbajaka pindapatapavivekasmim pannapenti:|| ||

Saka-bhakkha pi honti,||
samaka-bhakkha pi honti,||
nivara-bhakkha pi honti,||
daddula-bhakkha pi honti,||
hata-bhakkha pi honti,||
kana-bhakkha pi honti,||
acama-bhakkha pi honti,||
pinnaka-bhakkha pi honti,||
tina-bhakkha pi honti,||
gomaya-bhakkha pi honti,||
vanamulaphalahara yapenti pavattaphalabhoji.|| ||

Idam ko bhikkhave annatitthiya paribbajaka pindapata-pavivekasmim pannapenti.|| ||

Tatr'idam bhikkhave annatittiya parabbajaka senasana-pavivekasmim pannapenti:|| ||

Arannam,||
rukkhamulam,||
susanam,||
vanapantham,||
abbhokasam,||
palalapunjam,||
bhusagaram.|| ||

Idam ko bhikkhave annatitthiya paribbajaka senasanapavivekasmim pannapenti.|| ||

Imani kho bhikkhave tini annatitthiya paribbajaka pavivekani pannapenti.|| ||

2. Tini kho imani bhikkhave imasmim dhamma-vinaye bhikkhuno pavivekani.|| ||

Katamani tini?|| ||

Idha, bhikkhave, bikkhu silava ca hoti||
dussilyan c'assa pahinam hoti,||
tena ca vivitto hoti.|| ||

Sammaditthiko hoti,||
micchaditthi c'assa pahina hoti,||
taya ca vivitto hoti.|| ||

Khinosavo ca hoti,||
asava c'assa pahina honti,||
tehi ca vivitto hoti.|| ||

Yato kho bhikkhave bhikkhu silava hoti,||
dussilyan c'assa pahinam hoti,||
tena ca vivitto hoti.|| ||

Sammaditthiko hoti,||
micchaditthi c'assa pahina hoti,||
taya ca vivitto hoti.|| ||

Khinasavo ca hoti,||
asava c'assa pahina honti,||
tehi ca vivitto hoti.|| ||

Ayam vuccati bhikkhave bhikkhu aggappatto sarappatto suddho sare patitthito.|| ||

3. Seyyatha pi bikkhave kassakassa gahapatissa sampannam salikkhettam.|| ||

Tam enam kassakassa gahapati sigha-sigham vapapeyya,||
sigha-sigham vapapetva,||
sigha-sigham sangharapeyya.|| ||

Sigha-sigham sangharapetva,||
sigha-sigham ubbaha- [242] peyya.|| ||

Sugha-sigham ubbahapetva,||
sigha-sigham punjam karapeyya.|| ||

Sigha-sigham punjam karapetva,||
sigha-sigham maddapeyya.|| ||

Sigha-sigham maddapetva,||
sigha-sigham palalani uddharapeyya.|| ||

Sigha-sigham palalani uddharapetva,||
sigha-sigham bhusikam uddharapeyya.|| ||

Sigha-sigham bhusikam uddharapetva,||
sigha-sigham opunapeyya.|| ||

Sigha-sigham opunapetva,||
sigha-sigham atiraharapeyya.|| ||

Sugha-sigham atiharapetva,||
sigha-sigham kotthapeyya.|| ||

Sigha-sigham kottapetva,||
sigha-sigham thusani uddharapeyya.|| ||

Evam assu tassa bhikkhave kassakassa gahapatissa tani dhannani aggappattani sarappattani suddhani sare patitthitini.|| ||

Evam eva kho bikkhave bhikkhu sulava ca hoti,||
dussilyan c'assa pahinam hoti,||
tena ca vivitto hoti.|| ||

Sammadittiko ca hoti,||
micchaditthi c'assa pahina hoti,||
taya ca vivitto hoti.|| ||

Khinasavo ca hoti,||
asava c'assa pahina honti,||
tehi ca vivitto hoti.|| ||

Ayam vuccati bhikkhave bhikkhu aggappatto sarappatto suddho sare patitthito ti.|| ||

[Note: The BJT and CSCD Pali break this into two suttas here. The BJT Pali has all four jhanas.]

Seyyatha pi, bhikkhave, saradasamaye viddhe vigata-valahake deve adicco nabham abbhussakkamano sabbam akasagatam tamam abhivihacca bhasate ca tapate ca virocati ca.|| ||

Evam eva kho bhikkhave yato ariyasavakassa virajam vitamalam dhammacakkhum udapadi.|| ||

Sahadassanuppada bhikkhave ariyasavakassa tini sannojanani pahiyanti,||
sakkayaditthi||
vicikiccha||
silabbataparamaso.|| ||

Athaparam dvihi dhammehi niyyati abhijjhaya ca vyapadena ca.|| ||

So vivicc'eva kamehi vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharati.|| ||

Vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam upasampajja viharati.|| ||

Tasmim bikkhave samaye ariyasavako kalam kareyya,||
n'atthi tam sannojanam,||
yena sannojanena sanyutto ariyasavako puna imam lokam agaccheyya ti.|| ||

 


Contact:
E-mail
Copyright Statement