Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
X. Lonaphala Vagga

Sutta 94

Pathama Ajaniya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[244]

[1][pts][ati] Evam me sutam.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Tihi bhikkhave angehi samannagato ranno bhadro assajaniye rajaraho hoti rajabhoggo ranno angan t'veva sankham gacchati.|| ||

Katamehi tihi?|| ||

Idha, bhikkhave, ranno bhaddo assajaniyo vannasampanno ca hoti,||
balasampanno ca||
javasampanno ca.|| ||

Imehi kho bhikkhave tiha angehi samannagato ranno bhaddo assajaniyo rajaraho hoti rajabhoggo ranno angan t'veva sankham gacchati.|| ||

2. Evam eva kho bhikkhave tihi dhammehi samannagato bhikkhu ahuneyyo hoti,||
pahuneyyo,||
dakkhineyyo,||
anjalikaraniyo,||
anuttaram punnakkhettam lokassa ti.|| ||

Katamehi tihi?|| ||

Idha, bhikkhave, bhikkhu vannasampanno ca hoti||
balasampanno ca||
javasampanno ca.|| ||

3. Kathan ca bhikkhave bhikkhu vannasampanno hoti?|| ||

Idha, bhikkhave, bhikkhu silava hoti,||
patimokkha-samvara-samvuto viharati||
acara-gocara-sampanno anumattesu vajjesu bhaya-dassavi,||
samadaya sikkhati sikkhapadesu.|| ||

Evam kho bhikkhave bhikkhu vannasampanno hoti.|| ||

4. Kathan ca bhikkhave bhikkhu balasampanno hoti?|| ||

Idha, bhikkhave, bhikkhu araddhaviriyo viharati akusalanam dhammanam pahanaya||
kusalanam dhammanam upasampadaya thamava dalhaparakkamo anikkhittadhuro kusalesu dhammesu.|| ||

Evam kho bhikkhave bhikkhu balasampanno hoti.|| ||

5. Kathan ca bhikkhave bhikkhu javasampanno hoti?|| ||

Idha, bhikkhave, bhikkhu||
idam dukkhan ti yathabhutam pajanati,||
ayam dukkha samudayo yathabhutam pajanati,||
[245] ayam dukkhanirodhagamini patipada ti yathabhutam pajanati.|| ||

Evam kho bhikkhave bhikkhu javasampanno hoti.|| ||

Imehi kho bhikkhave tihi dhammehi samannagato bhikkhu ahuneyyo hoti pahuneyyo,||
dakkhineyyo,||
anjalikaraniyo,||
anuttaram punnakkhettam lokassa ti.|| ||

 


Contact:
E-mail
Copyright Statement