Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
XI. Sambodhi Vagga

Sutta 109

Tatiya Nidana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[264]

[1][pts] Evam me sutam.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Tin'imani bikkhave nidanani kammanam samudayaya.|| ||

Katamani tini?|| ||

Atite bhikkave chandaragatthaniye dhamme arabbha chando jayati.|| ||

Anagate bhikkhave chandaragatthaniye dhamme arabbha chando jayati.|| ||

Paccuppanne bikkhave chandaragatthaniye dhamme arabbha chando jayati.|| ||

2. Kathan ca bhikkhave atite chandaragatthaniye dhamme arabbha chando jayati?|| ||

Atite bhikkave chandaragatthaniye dhamme arabbha cetasa anuvitakketi anuvicareti.|| ||

Tassa atite chandaragatthaniye dhamme arabbha cetasa anuvitakkayato anuvicarayato chando jayati.|| ||

Chandajato tehi dhammehi sannutto hoti.|| ||

Etaham bikkhave sannojanam vadami,||
yo cetaso sarago.|| ||

Evam kho bhikkhave atite chandaragatthaniye dhamme arabbha chando jayati.|| ||

3. Kathan ca bhikkhave anagate chandaragatthaniye dhamme arabbha chando jayati?|| ||

Anagate bhikkave chandaragatthaniye dhamme arabbha cetasa anuvitakketi anuvicareti.|| ||

Tassa anagate chandaragatthaniye dhamme arabbha cetasa anuvitakkayato anuvicarayato chando jayati.|| ||

Chandajato tehi dhammehi sannutto hoti.|| ||

Etaham bhikkhave sannojanam vadami,||
yo cetaso sarago.|| ||

Evam kho bhikkhave anagate chandaragatthaniye dhamme arabbha chando jayati.|| ||

4. Kathan ca bhikkhave paccuppanne chandaragatthaniye dhamme arabbha chando jayati?|| ||

Paccuppanne bhikkave chandaragatthaniye dhamme arabbha cetasa anuvitakketi anuvicareti.|| ||

Tassa paccuppanne chandaragatthaniye dhamme arabbha cetasa anuvitakkayato anuvicarayato chando jayati.|| ||

Chandajato tehi dhammehi sannutto hoti.|| ||

Etaham bhikkhave sannojanam vadami,||
yo cetaso sarago.|| ||

Evam kho bhikkhave paccuppanne chandaragatthaniye dhamme arabbha chando jayati.|| ||

Imani kho bikkhave tini nidanani kammanam samudayayati.|| ||

 


Contact:
E-mail
Copyright Statement