Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
XIII. Kusinara Vagga

Sutta 124

Bharandukalama Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[276]

[1][pts] Evam me sutam:|| ||

Ekam samayam Bhagava Kosalosu carikam caramano yena Kapilavatthu tad avasari.|| ||

Assosi kho Mahanamo Sakko Bhagava kira Kapilavatthum anuppatto ti.|| ||

Atha kho Mahanamo Sakko yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thitam kho Mahanamam Sakkam Bhagava etad avoca:|| ||

"Gaccha Mahanama, Kapilavatthusmim tatharupam avasatham jana,||
yatth'ajja mayam ekarattim vihareyyama" ti.|| ||

[277] "Evam bhante" ti kho Mahanamo Sakko Bhagavato patissutva Kapilavatthum pavisitva kevalakappam Kapilavatthum anvabhindanto na addasa Kapilavatthusmim tatharupam avasatham yattha Bhagava ekarattim vihareyya.|| ||

Atha ko Mahanamo Sakko yena Bhagava ten'upasankami.|| ||

Upasankamitva Bhagavantam etad avoca:|| ||

2. "N'atthi bhante Kapilavatthusmim tatharupo avasato yatth'ajja Bhagava ekarattim vihareyya.|| ||

Ayam bhante Bharandu Kalamo Bhagavato puranasabrahmacari.|| ||

Tass'ajja Bhagava assame ekarattim viharatu" ti.|| ||

"Gaccha Mahanama, sattharam pannapehi" ti.|| ||

"Evam bhante" ti kho Mahanamo Sakko Bhagavato patissutva yena Bharandukassa Kalamassa assamo ten'upasankami.|| ||

Upasankamitva sattharam pannapetva udakam thapetva padanam dhovanaya yena Bhagava ten'upasankami.|| ||

Upasankamitva Bhagavantam etad avoca:|| ||

"Santhato bhante santharo,||
udakam thapitam padanam dhovanaya.|| ||

Yassa dani bhante Bhagava kalam mannati" ti.|| ||

3. Atha kho Bhagava yena Bharandukassa Kalamassa assamo ten'upasankami.|| ||

Upasanakamitva pannatte asane nisidi.|| ||

Nisajja kho Bhagava pade pakkhalesi.|| ||

Atha kho Mahanamassa Sakkassa etad ahosi:|| ||

Akalo kho ajja Bhagavantam payirupasitum,||
kilanto Bhagava,||
sve danaham Bhagavantam payirupasissamiti.|| ||

Bhagavantam abhivadetva padakkhinam katva pakkami.|| ||

Atha kho Mahanamo Sakko tassa rattiya accayena yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Mahanamam Sakkam Bhagava etad avoca:|| ||

"Tayo ko'me Mahanama sattaro santo savijjamana lokasmim.|| ||

Katame tayo?|| ||

Idha Mahanama ekacco sattha kamanam parinnam pannapeti,||
na rupanam parinnam pannapeti,||
na vedananam parinnam pannapeti.|| ||

Idha pana Mahanama ekacco sattha kamanam parinnam pannapeti,||
rupanam parinnam pannapeti,||
na vedananam [278] parinnam pannapeti.|| ||

Idha pana Mahanama ekacco sattha kamanam parinnam pannapeti,||
rupanam parinnam pannapeti,||
vedananam parinnam pannapeti.|| ||

Ime kho Mahanama tayo sattharo santo samvijjamana lokasmi.|| ||

Imesam Mahanama tinnam sattharanam eka nittha,||
udahu puthu nittha" ti?|| ||

5. Evam vutto Bharandu Kalamo Mahanamam Sakkam etad avoca:|| ||

"'Eka' ti Mahanama vadehi" ti.|| ||

Evam vutte Bhagava Mahanamam Sakkam etad avoca:|| ||

"'Nana' ti Mahanama vadehi" ti.|| ||

Dutiyam pi kho Bharandu Kalamo Mahanamam Sakkam etad avoca:|| ||

"'Eka' ti Mahanama vadehi" ti.|| ||

Dutiyam pi kho Bhagava Mahanamam Sakkam etad avoca:|| ||

"'Nana' ti Mahanama vadehi" ti.|| ||

Tatiyam pi kho Bharandu Kalamo Mahanamam Sakkam etad avoca:|| ||

"'Eka' ti Mahanama vadehi" ti.|| ||

Tatiyam pi kho Bhagava Mahanamam Sakkam etad avoca:|| ||

"'Nana' ti Mahanama vadehi" ti.|| ||

6. Atha kho Bharandussa Kalamassa etad ahosi:|| ||

"Mahesakkhassa vat'amhi Mahanamassa Sakkassa sammukha samanena Gotamena yava tatiyakam apasadito.|| ||

Yan nunaham Kapilavatthumha pakkameyyan" ti.| ||

Atha kho Bharandu Kalemo Kapilavatthumha pakkami,||
yam Kapilavatthumha pakkami,||
tatha pakkanto va ahosi na puna paccaganchi ti.

 


Contact:
E-mail
Copyright Statement