Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
XIII. Kusinara Vagga

Sutta 125

Hatthaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[278]

[1][pts] Evam me sutam:|| ||

Ekam samayam Bhagava Savatthiyam viharati.|| ||

Atha ko Hatthako devaputto abhikkanta rattiya abhikkantavanna kevalakappam Jetavanam obhasetva yena Bhagava ten'upasankami.|| ||

Upasankamitva Bhagavato purato thassami ti osidati c'eva samsidati c'eva,||
na sakkoti santhatum.|| ||

Seyyatha pi nama sappi va telam ma valikaya asittam osidati samsidati na santhati||
evam eva Hatthako devaputto Bhagavato purato thassami ti osidati c'eva sanasidati c'eva,||
na sakkoti santhatum.|| ||

[279] 2. Atha ko Bhagava Hatthakam devaputtam etad avoca:|| ||

"Olarikam Hatthaka, attabhavam abhinimminahi" ti.|| ||

"Evam bhante" ti ko Hatthako devaputto Bhagavato patissutva olarikam attabhavam abhinimminitva Bhagavantam abhivadetva eka-m-antam atthasi.|| ||

Eka-m-antam thitam kho Hatthakam devaputtam Bhagava etad avoca:|| ||

"Ye te Hatthakam dhamma pubbe manussabhutassa pavattino ahesum,||
api nu te te dhamma etarahi pavattino" ti?|| ||

"Ye ca me bhante dhamma pubbe manussabhutassa pavattino ahesum,||
te ca me dhamma etarahi pavattino,||
ye ca me bhante dhamma pubbe manussabhutassa nappavattino ahesum,||
te ca me dhamma etarahi pavattino.|| ||

Seyyatha pi bhante Bhagava etarahi akinno viharati bhikkhuhi bhikkhunihi upasakehi upasikahi rannahi raja-maha-mattehi titthiyehi titthiyasavakehi,||
evam eva ko aham bhante akinno viharami devaputtehi.|| ||

Durato pi bhante devaputta agacchanti Hatthakassa devaputtassa santike dhammam sossama ti.|| ||

Tinnaham bhante dhammanam atitto appativano kalakato.|| ||

Katamesam tinnam?|| ||

Bhagavato aham bhante dassanaya atitto appativano kalakato,||
saddhammasavanassaham bhante atitto appativano kalakato,||
sanghassam ham bhante upatthanassa atitto appativano kalakato.|| ||

Imesam kho aham bhante tinnam dhammanam atitto appativano kalakato" ti.|| ||

Naham Bhagavato dassanassa tittim ajjhaga kudacanam,||
Sanghassa upatthanassa saddhammasavanassa ca.||
Adhisile sikkhamano saddhammasavane rato||
Tinnam dhammanam atitto Hatthako Aviham gato ti.

 


Contact:
E-mail
Copyright Statement