Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
XIV. Yodhajiva Vagga

Sutta 135

Kesakambalo Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[286]

[1][pts][olds] Evam me sutam|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Seyyatha pi, bhikkhave, yani kanici tantavutanam vatthanam kesakambhalo tesam patikittho akkhayati.||
Kesakambalo bhikkhave||
site sito||
unhe unho,||
dubbanno||
duggandho||
dukkhasampasso||
evam eva kho, bhikkhave, yani kanici puthu-samanappavadanam Makkhalivado tesam patikittho akkhayati.||
Makkhali bhikkhave moghapuriso evamvadi evam-ditthi:||
"n'atthi kammam,||
n'atthi kiriyam,||
n'atthi viriyan" ti.|| ||

[287] [2][pts][olds] Ye pi te bhikkhave ahesum atitam addhanam arahanto Samma-sambuddha,||
te pi Bhagavanto kammavada c'eva ahesum kiriyavada ca viriyavada ca.|| ||

Te pi bhikkhave Makkhali moghapuriso patibahati:||
"n'atthi kammam,||
n'atthi kiriyam,||
n'atthi viriyan" ti.|| ||

[3][pts][olds] Ye pi te bhikkhave bhavissanti anagatam addhanam arahanto Samma-sambuddha,||
te pi Bhagavanto kammavada c'eva bhavissanti kiriyavada ca viriyavada ca.|| ||

Te pi bhikkhave Makkhali moghapuriso patibahati:||
"n'atthi kammam,||
n'atthi kiriyam,||
n'atthi viriyan" ti.|| ||

[4][pts][olds] Aham pi bhikkhave etarahi araham Samma-sambuddho kammavado ca kiriyavado ca viriyavado.|| ||

Mam pi bhikkhave Makkhali moghapuriso patibahati:||
"n'atthi kammam,||
n'atthi kiriyam,||
n'atthi viriyan" ti.|| ||

[5][pts][olds] Seyyatha pi, bhikkhave, nadi-mukhe khipam uddeyya bahunnam macchanam ahitaya dukkhaya anayaya vyasanaya,||
evam eva kho, bhikkhave, Makkhali moghapuriso manussakhipam manne loke uppanno bahunnam sattanam ahitaya dukkhaya anayaya vyasanayati.|| ||

 


Contact:
E-mail
Copyright Statement