Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
III. Tikanipata
XVI. Acelaka Vagga

Sutta 152

Dutiya Patipada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[296]

[1][pts] Evam me sutam|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Tisso ima bhikkhave patipada.|| ||

Katama tisso?|| ||

Agalha patipada,||
nijjhama patipada,||
majjhima patipada.|| ||

2. Katama ca bhikkhave agalha patipada?|| ||

Idha, bhikkhave, ekacco evamvadi hoti evam-ditthi:|| ||

"N'attha kamesu doso" ti.|| ||

So kamesu patavyatam apajjati.|| ||

Ayam vuccati bhikkhave agalha patipada.|| ||

3. Katama ca bhikkhave nijjhama patipada?|| ||

Idha, bhikkhave, ekacco acelako hoti muttacaro hatthapalekhano||
na ehibhadantiko,||
na titthabhadantiko,||
na abhibhatam,||
na uddissakatam,||
na nimantanam sadiyati.|| ||

So na kumhimukha patiganhati,||
na khalopi-mukha patiganhati,||
na elalakamantaram,||
na dandamantaram,||
na musalamantaram,||
na dvinnam bhunjamananam,||
na gabhiniya,||
na payamanaya,||
na purisantaragataya,||
na samkittisu,||
na yattha sa upatthito hoti,||
na yattha makkhika sandacarini,||
na maccham,||
na mamsam,||
na suram,||
na merayam,||
na thusodakam pivati.|| ||

So ekagariko va hoti ekalopiko,||
dvagariko va hoti dvalopiko,||
sattagariko va hoti sattalopiko,||
ekissa pi dattiya yapeti,||
dvihi pi dattipi yapeti,||
sattahi pi dattihi yapeti,||
ekahikam pi aharam ahareti,||
dvahikam pi aharam ahareti,||
sattahikam pi aharam ahareti.|| ||

-DN 8

So ekagariko va homi ekalopiko,||
dvagariko va homi dvalopiko,||
sattagariko va homi sattalopiko.|| ||

Ekissa pi dattiya yapemi,||
dvihi pi dattihi yapemi,||
sattahi pi dattihi yapemi.|| ||

Ekahikam pi aharam aharemi,||
dvihikam pi aharam aharemi,||
sattahikam pi aharam aharemi.|| ||

-MN 12 p77

So ekagariko va hoti||
ekalopiko va,||
dvagariko va hoti,||
dvalopiko va,||
... pe ...,||
sattagariko va hoti||
sattalopiko va.|| ||

Ekissa pi dattiya yapeti,||
dvihi pi dattihi yapeti,||
... pe ...,||
sattahi pi dattihi yapeti.|| ||

Ekahikam pi aharam arareti,||
dvahikam pi aharam ahareti,||
... pe ...,||
sattahikam pi aharam ahareti.|| ||

Iti evarupam addhamasikam pi pariyaya-bhatta-bojananuyogam anuyutto viharati.|| ||

So saka-bhakkho pi hoti,||
samaka-bhakkho pi hoti,||
nivara-bhakkho pi hoti,||
daddula-bhakkho pi hoti,||
hata-bhakkho pi hoti,||
kana-bhakkho pi hota,||
acama-bhakkho pi hoti,||
pinnaka-bhakkho pi hoti,||
tina-bhakkho pi hoti,||
gomaya-bhakkho pi hoti.|| ||

Vanamulaphalaharo yapeti pavattaphalahoji.|| ||

So sanani pi dhareti,||
masanani pi dhareti,||
chavadussani pi dhareti,||
pamsukulani pi dhareti,||
tiritani pi dhareti,||
ajinani pi dhareti,||
ajinakkhipam pi dhareti,||
kusaciram pi dhareti,||
vakaviram pi dhareti,||
phalakaviram pi dhareti,||
kesakambalam pi dhareti,||
valakambalam pi dhareti,||
ulukapakkham pi dhareti.|| ||

Kesamassulocako pi hoti||
kesamassulocananuyogam anuyutto.|| ||

Ubbhatthako pi hoti||
asanapatikkitto.|| ||

Ukkutiko pi hoti||
ukkutikappadhanam anuyutto.|| ||

Kantakapassayiko pi hoti||
kantakapassaye seyyam kappeti.|| ||

Sayam tatiyakam pi udakorohananuyogam anuyutto viharati.|| ||

Iti evarupam aneka-vihitam kayassa atapanaparitapananuyogam anuyutto viharati.|| ||

Ayam vuccati bhikkhave nijjhama patipada.|| ||

Katama ca bhikkhave majjhima patipada?|| ||

Idha, bhikkhave, bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati.|| ||

Uppannanam pakanam akusalanam dhammanam pahanaya chandam janeti vayamati viriyam arabhati cittam pagganhati padahati.|| ||

Anuppannanam kusalanam dhammanam uppadaya chandam janeti vayamati viriyam arabhati cittam pagganhati padahati.|| ||

Uppannanam kusalanam dhammanam thitiya asammosaya bhiyyobhavaya vepullaya bhavanaya paripuriya [297] chandam janeti vayamati viriyam arabhati cittam pagganhati padahati|| ||

 

§[ed1]

 

Chanda-samadhi-padhana-sankhara-samannagatam iddipadam bhaveti.|| ||

Viriya-samadhi-padhana-sankhara-samannagatam iddhipada bhaveti.|| ||

Citta-samadhi-padhana-sankhara-samannagatam baddhipadam bhaveti.|| ||

Vimamsa-samadhi-padhana-sankhara-samannagatam iddhipadam bhaveti.|| ||

 

§

 

Saddhindriyam bhaveti,||
viriyindriyam bhaveti,||
satindriyam bhaveti,||
samadhinduyam bhaveti,||
pannindriyam bhaveti.|| ||

 

§

 

Saddha-balam bhaveti,||
viriya-balam bhaveti,||
sati-balam bhaveti,||
samadhi-balam bhaveti,||
panna-balam bhaveti|| ||

 

§

 

Sati-sambojjhangam bhaveti,||
dhamma-vicaya-sambojjhangam bhaveti,||
viriya-sambojjhangam bhaveti,||
piti-sambojjhangam bhaveti,||
passaddhi-sambojjhangam bhaveti,||
samadhi-sambojjhangam bhaveti,||
upekka-sambojjhangam bhaveti.|| ||

 

§

 

Samma-ditthina bhaveti,||
samma-sankappam bhaveti,||
samma-vacam bhavati,||
semma-kammantam bhaveti,||
samma-ajivam bhaveti,||
samma-vayamam bhaveti,||
samma-satim bhaveti,||
samma-samadhim bhaveti.|| ||

Ayam vuccati bhikkave majjhima patipada.|| ||

Ima kho bhikkhave tisso patipada ti.|| ||

 


[ed1] The PTS text has "... pe ..." here and at the following section breaks. The BJT interprets this as meaning to insert "Ima ko bhikkhave tisso patipada ti. Tisso ima bhikkhave patipada. Katama tisso?" which as it stands makes no sense. The CSCD has elipses only. Apparently the version of the Pali used by Bhikkhu Bodh breaks these up into separate suttas which would make what BJT has make better sense as at least an indication that the first two parts be repeated. Since all versions have at least the elipses that these were originally intended to be separate suttas is the likely correct organization. It is numbered here as one sutta, showing section breaks but without repeating the first part of each sutta for the sake of maintaining the PTS sutta numbering system intact.

 


Contact:
E-mail
Copyright Statement