Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
IV. Catukka Nipata
I. Bhandagama Vagga

Namo Tassa Bhagavato Arahato Sammasambuddhassa

Sutta 1

Anubuddha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[1]

[1][pts][than][bodh] Evam me sutam:|| ||

Ekam samayam Bhagava vajjisu viharati Bhananagame.|| ||

Tatra kho Bhagava bhikkhu amantesi:
Bhikkhavo ti.|| ||

Bhadanteti te bhikkhu Bhagavato paccassosum.||
Bhagava etad avoca:|| ||

2. Catunnam bhikkhave dhammanam ananubodha appativedha evam idam digham addhanam sandhavitam samsaritam maman c'eva tumhakan ca.|| ||

3. Katamesam catunnam?|| ||

Ariyassa bhikkhave silassa ananubodha appativedha evam idam digham addhanam sandhavitam samsaritam maman c'eva tumhakan ca.|| ||

Ariyassa bhikkhave samadhissa ananubodha appativedha evam idam digham addhanam sandhavitam samsaritam maman c'eva tumhakan ca.|| ||

Ariyaya bhikkhave pannaya ananubodha appativedha evam idam digham addhanam sandhavitam samsaritam mamanc'eva tumhakan ca.|| ||

Ariyaya bhikkhave vimuttiya ananubodha appativedha evam idam digham addhanam sandhavitam samsaritam maman c'eva tumhakan ca.|| ||

4. Tayidam bhikkhave ariyam silam anubuddham patividdho,||
ariyo samadhi anubuddho patividdho,||
ariya panna anubuddha patividdha,||
ariya vimutti anubuddha patividdha,||
ucchinna bhavatanha khina bhavanetti,||
n'atthi dani punabbhavo ti.|| ||

Idam avoca Bhagava.|| ||

Idam vatva Sugato athaparam etad avoca sattha:|| ||

[2] Silam samadhi panna ca vimutti ca anuttara,||
Anubuddha ime dhamma Gotamena yasassina.||
Iti buddho abhinnaya dhammam akkhasi bhikkhunam,||
Dukkhass'antakaro sattha cakkhuma parinibbuto ti.|| ||

 


Contact:
E-mail
Copyright Statement