Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikayo
IV. Catukka Nipato
II. Cara Vagga

Sutta 11

Caranta Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Carato ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va,||
tan ce bhikkhu adhivaseti,||
nappajahati,||
na vinodeti,||
na vyantikaroti,||
na anabhavam gameti;||
caram pi bhikkhave bhikkhu evambhuto anatapi anottapi satatam samitam kusito hinaviriyo ti vuccati.|| ||

Thitassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va,||
tan ce bhikkhu adhivaseti,||
nappajahati,||
na vinodeti,||
na vyantikaroti,||
na anabhavam gameti;||
thito pi bhikkhave bhikkhu evambhuto anatapi anottapi satatam samitam kusito hinaviriyo ti vuccati.|| ||

Nisinnassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va,||
tan ce bhikkhu adhivaseti,||
nappajahati,||
na vinodeti,||
na vyantikaroti,||
na anabhavam gameti;||
nisinno pi bhikkhave bhikkhu evambhuto anatapi anottapi satatam samitam kusito hinaviriyo ti vuccati.|| ||

Sayanassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va,||
tan ce bhikkhu adhivaseti,||
nappajahati,||
na vinodeti,||
na vyantikaroti,||
na anabhavam gameti;||
sayano pi bhikkhave bhikkhu jagaro evambhuto anatapi anottapi satatam samitam kusito hinaviriyo ti vuccati.|| ||

 


 

Carato ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va||
tan ce bhikkhu nadhivaseti,||
pajahati vinodeti,||
vyantikaroti,||
anabhavam gameti;||
caram pi bhikkhave bhikkhu evambhuto atapi ottapi satatam samitam araddhaviriyo pahitatto ti vuccati.|| ||

Thitassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va||
tan ce bhikkhu nadhivaseti,||
pajahati vinodeti,||
vyantikaroti,||
anabhavam gameti;||
thito pi bhikkhave bhikkhu evambhuto atapi ottapi satatam samitam araddhaviriyo pahitatto ti vuccati.|| ||

Nisinnassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va||
tan ce bhikkhu nadhivaseti,||
pajahati vinodeti,||
vyantikaroti,||
anabhavam gameti;||
nisinnopi bhikkhave bhikkhu evambhuto atapi ottapi satatam samitam araddhaviriyo pahitatto ti vuccati.|| ||

Sayanassa ce pi bhikkhave bhikkhuno uppajjati kamavitakko va||
vyapadavitakko va||
vihimsavitakko va||
tan ce bhikkhu nadhivaseti,||
pajahati vinodeti,||
vyantikaroti,||
anabhavam gameti;||
sayano pi bhikkhave bhikkhu jagaro evambhuto atapi ottapi satatam samitam araddhaviriyo pahitatto ti vuccati ti.|| ||

 

Caram va yadi va tittham nisinno uda va sayam,||
Yo vitakkam vitakketi papakam gehanissitam.||
Kummaggapatipanno so mohaneyyesu mucchito,||
Abhabbo tadiso bhikkhu phutthum sambodhim uttamam.||
Yo ca caram va tittham va nisinno uda va sayam,||
Vitakkam samayitvana vitakkupasame rato,||
Bhabbo so tadiso bhikkhu phutthum sambodhim uttaman ti.|| ||

 


Contact:
E-mail
Copyright Statement