Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikayo
IV. Catukka Nipato
II. Cara Vagga

Sutta 12

Sila Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[14]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Sampannasila bhikkhave viharatha||
sampanna-patimokkha||
patimokkha-samvara-samvuta viharatha||
acara-gocara-sampanna,||
anumattesu vajjesu bhaya-dassavino,||
samadaya sikkhatha sikkhapadesu.|| ||

Sampanna-silanam bhikkhave viharatam||
sampanna-patimokkhanam||
patimokkha-samvara-samvutanam viharatam||
acara-gocara-sampannanam||
anumattesu vajjesu bhaya-dassavinam||
samadaya sikkhatam sikkhapadesu,||
kim assa uttarim karaniyam?|| ||

Carato ce pi bhikkhave bhikkhuno abhijjha-vyapado vigato hoti,||
thinamiddham uddhaccakukkuccam vicikiccha pahina hoti,||
araddham hoti viriyam asallinam,||
upatthita sati apammuttha,||
passaddho kayo asaraddho,||
samahitam cittam ekaggam -||
caram pi bhikkhave bhikkhu:|| ||

'Evambhuto atapi ottapi satatam samitam araddhaviriyo pahitatto' ti vuccati.|| ||

Thitassa ce pi bhikkhave bhikkhuno abhijjha-vyapado vigato hoti,||
thinamiddham uddhaccakukkuccam vicikiccha pahina hoti,||
araddham hoti viriyam asallinam,||
upatthita sati apammuttha,||
passaddho kayo asaraddho,||
samahitam cittam ekaggam -||
thito pi bhikkhave bhikkhu:|| ||

'Evambhuto atapi ottapi satatam samitam araddhaviriyo pahitatto' ti vuccati.|| ||

Nisinnassa ce pi bhikkhave bhikkhuno abhijjha-vyapado vigato hoti,||
thinamiddham uddhaccakukkuccam vicikiccha pahina hoti,||
araddham hoti viriyam asallinam,||
upatthita sati apammuttha,||
passaddho kayo asaraddho,||
samahitam cittam ekaggam -||
nisinno pi bhikkhave bhikkhu -||
thito pi bhikkhave bhikkhu:|| ||

'Evambhuto atapi ottapi satatam samitam araddhaviriyo [15] pahitatto' ti vuccati.|| ||

Sayanassa ce pi bhikkhave bhikkhuno abhijjha-vyapado vigato hoti,||
thinamiddham uddhaccakukkuccam vicikiccha pahina hoti,||
araddham hoti viriyam asallinam,||
upatthita sati apammuttha,||
passaddho kayo asaraddho,||
samahitam cittam ekaggam -||
nisinno pi bhikkhave bhikkhu -||
sayano pi bhikkhave bhikkhu:|| ||

'Evambhuto atapi ottapi satatam samitam araddhaviriyo pahitatto' ti vuccati.|| ||

 

Yatam care yatam titthe yatam acche yatam saye,||
Yatam samminjaye bhikkhu yatam enam pasaraye.||
Uddham tiriyam apacinam yavata jagato gati,||
Samavekkhita ca dhammanam khandhanam udayavyayam.||
Ceto samathasamicim sikkhamanam sada satam,||
Satatam pahitatto ti ahu bhikkhum tathavidhan" ti.|| ||

 


Contact:
E-mail
Copyright Statement