Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikayo
IV. Catukka Nipato
II. Cara Vagga

Sutta 20

Bhattuddesa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[19]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Catuhi bhikkhave dhammehi samannagato bhattuddesako yathabhatam nikkhitto evam niraye.|| ||

Katamehi catuhi?|| ||

Chandagatim gacchati,||
dosagatim gacchati,||
mohagatim gacchati,||
bhayagatim gacchati.|| ||

Imehi kho bhikkhave catuhi dhammehi samannagato bhattuddesako yathabhatam nikkhitto evam niraye.|| ||

3. Catuhi bhikkhave dhammehi samannagato bhattuddesako yathabhatam nikkhitto evam sagge.|| ||

Katamehi catuhi?|| ||

Na chandagatim gacchati,||
na dosagatim gacchati,||
na mohagatim gacchati,||
na bhayagatim gacchati.|| ||

Imehi kho bhikkhave catuhi dhammehi samannagato bhattuddesako yathabhatam nikkhitto evam saggeti.|| ||

Ye keci kamesu asannata jana||
Adhammika honti adhammagarava,||
Chanda ca dosa ca bhaya ca gamino||
Parisakkasavo ca pan'esa vuccati||
Evam hi vuttam samanena janata|| ||

Tasma hi te sappurisa pasamsiya,||
Dhamme thita ye na karonti papakam,||
Na chanda dosa na bhaya ca gamino.||
Parisaya mando ca pan'esa vuccati.||
Evam hi vuttam samanena janata' ti.|| ||

Cara Vaggo dutiyo.

 


Contact:
E-mail
Copyright Statement