Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
III. Uruvela Vagga

Sutta 22

Dutiya Uruvela Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[22]

[1][pts][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Ekam idaham bhikkhave samayam Uravelayam viharami najja Neranjaraya tire Ajapalanigrodhe pathama-bhisambuddho.|| ||

Atha kho bhikkhave sambahula brahmana jinna vuddha mahallaka addhagata vayo-anuppatta yenaham ten'upasankamimsu.|| ||

Upasankamitva maya saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinna kho bhikkhave te brahmana mam etad avocum:|| ||

Sutam ne bho Gotama:|| ||

"Na Samano Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti" ti.|| ||

Ta-y-idam bho Gotama tath'eva.|| ||

Na hi bhavam Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti.|| ||

Ta-y-idam bho Gotama na sampannam evati.|| ||

3. Tassa mayham bhikkhave etad ahosi:|| ||

Na vata'me ayasmanto jananti theram va therakarane va dhamme.|| ||

Vuddho ce pi bhikkhave hoti asitiko va navutiko va vassasatiko va jatiya.|| ||

So ca hoti akala-vadi abhuta-vadi anattha-vadi adhamma-vadi avinaya-vadi anidhanavatim vacam bhasita akalena anapadesam apariyantavatim anatthasamhitam.|| ||

Atha kho so balo thero teva sanakham gacchati.|| ||

Daharo ce pi bhikkhave hoti yuva susu kalakeso bhaddena yobbanena samannagato pathamena vayasa.|| ||

So ca hoti kala-vadi bhuta-vadi attha-vadi dhamma-vadi vinaya-vadi nidhanavatim vacam bhasita kalena sapadesam pariyantavatim atthasamhitam.|| ||

Atha kho so pandito thero teva sanakham gacchati.|| ||

4. Cattaro'me, bhikkhave, thera-karana dhamma.|| ||

Katame cattaro?|| ||

Idha, bhikkhave, bhikkhu silava hoti patimokkha-samvara-samvuto viharati acara-gocara-sampanno anumattesu vajjesu bhaya-dassavi samadaya sikkhati sikkhapadesu.|| ||

Bahussuto [23] hoti sutadharo sutasannicayo.|| ||

Ye te dhamma adikalyana||
majjhekalyana||
pariyosana-kalyana||
sattha savyanjana kevalaparipunna parisuddham brahmacariyam abhivadanti.|| ||

Tatharup'assa dhamma bahussuta honti dhata vacasa paricita manasanupekkhita ditithiya suppatividdha.|| ||

Catunnam jhananam abhicetasikanam dittha-dhamma-sukha-viharanam nikamalabhi hoti akicchalabhi akasiralabhi.|| ||

Asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

Ime kho bhikkhave cattaro therakarana dhammati.|| ||

 

Yo uddhatena cittena samphan ca bahu bhasati,||
Asamahita-sankappo asaddhammarato mago,||
Ara so thavareyyamha papaditthi anadaro.|| ||

Yo ca silena sampanno sutava patibhanava,||
Sannato dhiro dhammesu pannayattham vipassati,||
Paragu sabbadhammanam akhilo patibhanava.|| ||

Pahinajatimarano brahmacariyassa kevali,||
Tam aham vadami thero ti yassa no santi asava,||
Asavanam khaya bhikkhu thero ti pavuccati ti.|| ||

 


Contact:
E-mail
Copyright Statement