Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
III. Uruvela Vagga

Sutta 28

Ariyavamsa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[27]

[1][pts][than][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Cattaro, me bhikkhave ariyavamsa agganna,||
rattanna,||
vamsanna,||
porana,||
asankinna,||
asankinnapubba,||
na sankiyanti,||
na sankiyissanti,||
appatikuttha samanehi brahmanehi vinnuhi.|| ||

Katame cattaro?|| ||

Idha, bhikkhave, bhikkhu santuttho hoti itaritarena civarena,||
itaritaracivarasantutthiya ca vannavadi.|| ||

Na ca civarahetu anesanam appatirupam apajjati.|| ||

Aladdha ca civaram na paritassati.|| ||

Laddha ca civaram agathito amucchito anajjhapanno adinavadassavi nissaranapanno paribhunjati.|| ||

Taya va pana itaritaracivarasantutthiya n'evattanukkamseti.|| ||

No param vambheti.|| ||

So hi tattha dakkho analaso sampajano patissato.|| ||

Ayam vuccati bhikkhave bhikkhu porane agganne ariyavamse thito.|| ||

Puna ca param bhikkhave bhikkhu santuttho hoti itaritarena pindapatena,||
itaritarapindapatasantutthiya ca vannavadi.|| ||

Na ca pindapatahetu anesanam appatirupam apajjati.|| ||

Aladdha ca pindapatam na paritassati.|| ||

Laddha ca pindapatam agathito amucchito anajjhapanno adinavadassavi [28] nissaranapanno paribhunjati.|| ||

Taya ca pana itaritarapindapata santutthiya n'evattanukkamseti.|| ||

No param vambheti.|| ||

So hi tattha dakkho analaso sampajano patissato.|| ||

Ayam vuccanati bhikkhave bhikkhu porane agganne ariyavamse thito. Puna ca param bhikkhave bhikkhu santuttho hoti itaritarena senasanena,||
itaritarasenasanasantutthiya ca vannavadi.|| ||

Na ca senasanahetu anesanam appatirupam apajjati.|| ||

Aladdha ca senasanam na paritassati.|| ||

Laddha ca senasanam agathito amucchito anajjhapanno adinavadassavi nissaranapanno paribhunjati.|| ||

Taya ca pana itaritarasenasanasantutthiya n'ev'attan'ukkamseti.|| ||

No param vambheti.|| ||

Yo hi tattha dakkho analaso sampajano patissato.|| ||

Ayam vuccati bhikkhave bhikkhu porane agganne ariyavamse thito.|| ||

Puna ca param bhikkhave bhikkhu bhavanaramo hoti bhavanarato,||
pahanaramo hoti pahanarato.|| ||

Taya ca pana bhavanaramataya bhavanaratiya pahanamarataya pahanaratiya n'evattanukkamseti.|| ||

No param vambheti.|| ||

Yo hi tattha dakkho analaso sampajano patissato.|| ||

Ayam vuccati bhikkhave bhikkhu porane agganne ariyavamse thito.|| ||

Ime kho bhikkhave cattaro ariyavamsa agganna,||
rattanna,||
vamsanna,||
porana.|| ||

Asankinna.|| ||

Asankinnapubba,||
na sankiyanti,||
na sankiyissanti.|| ||

Appatikuttha samanehi brahmanehi vinnuhi.|| ||

Imehi ca pana bhikkhave catuhi ariyavamsehi samannagato bhikkhu||
puratthimaya ce pi disaya viharati,||
sveva aratim sahati,||
na tam arati sahati.|| ||

Pacchimaya ce pi disaya viharati,||
sveva aratim sahati,||
na tam arati sahati.|| ||

Uttaraya ce pi disaya viharati,||
sveva aratim sahati,||
na tam arati sahati.|| ||

Dakkhinaya ce pi disaya viharati,||
sveva aratim sahati,||
na tam arati sahati.|| ||

Tam kissa hetu?|| ||

Aratiratisaho hi bhikkhave dhiro ti.|| ||

 

Narati sahati dhiram sahati||
Diro ca aratim sahati dhiro hi aratim saho.|| ||

[29] Samma kammavihayinam panunnam ko nivaraye,||
Nekkham jambonadass'eva ko tam ninditum arahati?||
Deva pi nam pasamsanti brahmuna pi pasamsito ti.|| ||

 


Contact:
E-mail
Copyright Statement