Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
IV. Cakka Vagga

Sutta 35

Vassakara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[35]

[1][pts][than][bodh] Ekam samayam Bhagava Rajagahe viharati Veluvane Kalandakanivape.|| ||

Atha kho Vassakaro brahmano Magadha-maha-matto yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Vassakaro brahmano Bhagavantam etad avoca:|| ||

"Catuhi kho mayam bho Gotama dhammehi samannagatam mahapannam mahapurisam pannapema.|| ||

Katamehi catuhi?|| ||

2. Idha bho Gotama bahussuto hoti,||
tassa tass'eva sutajatassa.|| ||

Tassa tass'eva kho pana bhasitassa attham janati:|| ||

'Ayam imassa bhasitassa attho,||
ayam imassa bhasitassa attho' ti.|| ||

Satima kho pana hoti cirakatam pi cirabhasitam pi sarita anussarita.|| ||

Yani kho pana tani gahatthakani kinkaraniyani,||
tattha dakkho hoti analaso,||
tatr'upayavimamsaya samannagato alam katum alam samvidhatum.|| ||

Imehi kho mayam bho Gotama catuhi dhammehi samannagatam mahapannam mahapurisam pannapema.|| ||

Sace me pana bho Gotama anumoditabbam,||
anumodatu me bhavam Gotamo.|| ||

Sace pana me bhavam Gotama patikkositabbam,||
patikkosatu me bhavam Gotamo' ti.|| ||

3. "N'eva kho tyaham brahmana anumodami,||
na pana patik- [36] kosami.|| ||

Catuhi kho aham brahmana dhammehi samannagatam mahapannam mahapurisam pannapemi.|| ||

Katamehi catuhi?|| ||

Idha brahmana bahujanahitaya patipanno hoti bahujanasukhaya bahu'ssa janata ariye naye patitthapita,||
yadidam kalyana-dhammata kusala-dhammata.|| ||

So yam vitakkam akankhati vitakketum,||
tam vitakkam vitakketi.|| ||

Yam vitakkam nakankhati vitakketum,||
na tam vitakkam vitakketi.|| ||

Yam sankappam akankhati sankappetum,||
tam sankappam sankappeti.|| ||

Yam sankappam nakankhati sankappetum,||
na tam sankappam sankappeti.|| ||

Iti cetovasippatto hoti vitakkapathesu.|| ||

Catunnam jhananam abhicetasikanam dittha-dhamma-sukha-viharanam nikamalabhi hoti akicchalabhi akasiralabhi||
asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

N'eva kho tyaham brahmana anumodami||
na pana patikkosami.|| ||

Imehi kho aham brahmana catuhi dhammehi samannagatam mahapannam mahapurisam pannapemi" ti.|| ||

4. "Acchariyam bho Gotama.|| ||

Abbhutam bho Gotama.|| ||

Yava subhasitam c'idam bhota Gotamena.|| ||

Imehi ca mayam catuhi dhammehi samannagatam bhavantam Gotamam dharema.|| ||

Bhavam hi Gotamo bahujanahitaya patipanno bahujanasukhaya,||
bahu te janata ariye naye patitthapita yad idam kalyanadhammata kusaladhammata.|| ||

Bhavam hi Gotamo yam vitakkam akankhati vitakketum,||
tam vitakkam vitakketi.|| ||

Yam vitakkam nakankhati vitakketum,||
na tam vitakkam vitakketi.|| ||

Yam sankappam akankhati sankappetum,||
tam sankappam sankappeti.|| ||

Yam sankappam nakankhati sankappetum,||
na tam sankappam sankappeti.|| ||

Bhavam hi Gotamo cetovasippatto vitakkapathesu.|| ||

Bhavam hi Gotamo catunnam jhananam abhicetasikanam dittha-dhamma-sukha-viharanam||
nikamalabhi akicchalabhi akasiralabhi.|| ||

Bhavam hi Gotamo asavanam khaya anasavam ceto-vimuttim panna-vimuttim||
Ditth'eva dhamme sayam abhinna sacchikatva upasampajja viharati" ti.|| ||

[37] 5. Addha kho te brahmana asajja upaniyavaca bhasita||
api ca tyaham vyakarissami:|| ||

Aham hi brahmana bahujanahitaya patipanno bahujanasukhaya,||
bahu me janata ariye naye patitthapita yad idam kalyanadhammata kusaladhammata.|| ||

Aham hi brahmana yam vitakkam akankhami vitakketum,||
tam vitakkam vitakkemi.|| ||

Yam vitakkam nakankhami vitakketum,||
na tam vitakkam vitakkemi.|| ||

Yam sankappam akankhami sankappetum,||
tam sankappam sankappemi.|| ||

Yam sankappam nakankhami sankappetum,||
na tam sankappam sankappemi.|| ||

Aham hi brahmana cetovasippatto vitakkapathesu.|| ||

Aham hi brahmana catunnam jhananam abhicetasikanam dittha-dhamma-sukha-viharanam nikamalabhi akicchalabhi akasiralabhi.|| ||

Aham hi brahmana asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharami" ti.|| ||

 

Yo vedi sabbasattanam maccupasa pamocanam,||
Hitam deva-manussanam nayam dhammam pakasayi,||
Yam ve disva ca sutva ca pasidati bahujjano.|| ||

Maggamaggassa kusalo katakicco anasavo,||
Buddho antimasariro mahapanno mahapuriso ti vuccati ti.|| ||

 


Contact:
E-mail
Copyright Statement