Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
IV. Cakka Vagga

Sutta 37

Aparihaniya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[39]

[1][pts][than][bodh] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. "Catuhi bhikkhave dhammehi samannagato bhikkhu abhabbo parihanaya nibbanass'eva santike.|| ||

Katamehi catuhi?|| ||

Idha, bhikkhave, bhikkhu silasampanno hoti,||
indriyesu guttadvaro hoti,||
bhojane mattannu hoti,||
jagariyam anuyutto hoti.|| ||

2. Kathan ca bhikkhave bhikkhu silasampanno hoti?|| ||

Idha, bhikkhave, bhikkhu silava hoti,||
patimokkha-samvara-samvuto viharati,||
acara-gocara-sampanno anumattesu vajjesu bhaya-dassavi samadaya sikkhati sikkhapadesu.|| ||

Evam kho bhikkhave bhikkhu silasampanno hoti.|| ||

3. Kathan ca bhikkhave bhikkhu indriyesu guttadvaro hoti?|| ||

Idha, bhikkhave, bhikkhu cakkhuna rupam disva na nimittaggahi hoti||
nanuvyanjanaggahi yatvadhikaraname tam cakkhundriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati||
rakkhati cakkhundriyam||
cakkhundriye samvaram apajjati.|| ||

Sotena saddam sutva na nimittaggahi hoti||
nanuvyanjanaggahi yatvadhikaraname tam sotindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati||
rakkhati sotindriyam||
sotindriye samvaram apajjati.|| ||

Ghanena gandham ghayitva na nimittaggahi hoti||
nanuvyanjananaggahi yatvadhikaraname tam ghanindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati||
rakkhati ghanindriyam||
ghanindriye samvaram apajjati.|| ||

Jivhaya rasam sayitva na nimittaggahi hoti||
nanuvyanjanaggahi yatvadhikaraname tam jivhindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati||
rakkhati jivhindriyam||
jivhindriye samvaram apajjati.|| ||

Kayena photthabbam phusitva na nimittaggahi hoti||
nanuvyanjanaggahi yatvadhikaraname tam kayindriyam asamvutam viharantam abhijjha domanassa papaka akusala dhamma anvassaveyyum,||
tassa samvaraya patipajjati||
rakkhati kayindriyam||
kayindriye samvaram apajjati.|| ||

Manasa dhammam vinnaya na nimittaggahi hoti||
nanuvyanjanaggahi yatvadhikaraname tam manindriyam asamvutam viharantam abhijjha domanassa papaka akusala [40] dhamma anvassaveyyum,||
tassa samvaraya patipajjati
rakkhati manindriyam||
manindriye samvaram apajjati.|| ||

Evam kho bhikkhave bhikkhu indriyesu guttadvaro hoti.|| ||

4. Kathan ca bhikkhave bhikkhu bhojane mattannu hoti?|| ||

Idha, bhikkhave, bhikkhu patisankha yoniso aharam ahareti:||
n'eva davaya na madaya na mandanaya na vibhusanaya yavad eva imassa kayassa thitiya yapanaya vihimsuparatiya brahmacariyanuggahaya.|| ||

'Iti puranan ca vedanam patihankhami nacanca vedanam na uppadessami,||
yatra ca me bhavissati anavajjata ca phasuviharo ca' ti.|| ||

Evam kho bhikkhave bhikkhu bhojane mattannu hoti.|| ||

5. Kathan ca bhikkhave bhikkhu jagariyam anuyutto hoti?|| ||

Idha, bhikkhave, bhikkhu divasam cankamena nisajjaya avaraniyehi dhammehi cittam parisodheti,||
rattiya pathamam yamam cankamena nisajjaya avaraniyehi dhammehi cittam parisodheti,||
rattiya majjhamam yamam dakkhinena passena sihaseyyam kappeti pade padam accadhaya sato sampajano utthanasannam manasi karitva,||
rattiya pacchimam yamam cankamena nisajjaya avaraniyehi dhammehi cittam parisodheti.|| ||

Evam kho bhikkhave bhikkhu jagariyam anuyutto hoti.|| ||

Imehi kho bhikkhave catuhi dhammehi samannagato bhikkhu abhabbo parihanaya||
nibbanass'eva santike" ti.|| ||

 

Sile patitthito bhikkhu indriyesu ca samvuto,||
Bhojanamhi ca mattannu jagariyam anuyunjati.|| ||

Evam viharamaano pi ahorattam atandito,||
Bhavayam kusalam dhammam yogakkhemassa pattiya.|| ||

Appamadarato bhikkhu pamade bhayadassiva,||
Abhabbo parihanaya nibbanass'eva santike ti.|| ||

 


Contact:
E-mail
Copyright Statement