Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
IV. Cakka Vagga

Sutta 38

Patilina Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[41]

[1][pts][bodh] Panunnapaccekasacco bhikkhave bhikkhu samavayasatthesano passaddhakayasankharo patilino ti vuccati.|| ||

Kathan ca bhikkhave bhikkhu panunnapaccekasacco hoti?|| ||

Idha, bhikkhave, bhikkhuno yani tani,||
puthusamana-brahmananam puthupaccekasaccani,||
seyyathidam sassato loko ti va||
asassato loko ti va||
antava loko ti va||
anantava loko ti va;||
tam jivam tam sariran ti va||
annam jivam annam sariran ti va||
hoti Tathagato param marana ti va||
na hoti Tathagato param marana ti va;||
hoti ca na hoti ca Tathagato param marana ti va||
n'eva hoti na na hoti Tathagato param marana ti va.|| ||

Sabbani'ssa tani panunnani honti,||
cattani,||
vantani,||
muttani,||
pahinani,||
patinissatthani.|| ||

Evam kho bhikkhave bhikkhu panunnapaccekasacco hoti.|| ||

Kathan ca bhikkhave bhikkhu samavayasatthesano hoti?|| ||

Idha, bhikkhave, bhikkhuno kamesana pahina hoti.|| ||

Bhavesana pahina hoti.|| ||

Brahmacariyesana patippassaddha.|| ||

Evam kho bhikkhave bhikkhu samavayasatthesano hoti.|| ||

Kathan ca bhikkhave bhikkhu passaddhakayasankharo hoti?|| ||

Idha, bhikkhave, bhikkhu sukhassa ca pahana dukkhassa ca pahana pubb'eva somanassa-domanassanam atthangama adukkham-asukham upekkha-sati-parisuddhim catuttham-jhanam upasampajja viharati.|| ||

Evam kho bhikkhave bhikkhu passaddhakayasankharo hoti.|| ||

Kathan ca bhikkhave bhikkhu patilino hoti?|| ||

Idha, bhikkhave, bhikkhuno asmimano pahino hoti.|| ||

Ucchinnamulo,||
talavatthukato,||
anabhavakato,||
ayatim anuppadadhammo.|| ||

Evam kho bhikkhave bhikkhu patilino hoti.|| ||

Panunnapaccekasacco bhikkhave bhikkhu samavayasatthesano passaddhakayasankharo patilinoti vuccati ti.|| ||

[42] Kamesana bhavesana brahmacariyesana saha,||
Iti saccaparamaso ditthitthana samussaya.|| ||

Sabbaragavirattassa tanhakkhayavimuttino,||
Esana patinissattha ditthitthanam samuhata.|| ||

Sa ve santo sato bhikkhu passaddho aparajito,||
Manabhisamaya buddho patilinoti vuccati ti.|| ||

 


Contact:
E-mail
Copyright Statement