Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
IV. Cakka Vagga

Sutta 39

Ujjaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[42]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

2. Atha kho Ujjayo brahmano yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Ujjayo brahmano Bhagavantam etad avoca:|| ||

"Bhavam pi no Gotamo yannam vanneti" ti?|| ||

3. Na kho aham brahmana sabbam yannam vannemi.|| ||

Na panaham brahmana sabbam yannam na vannemi.|| ||

Yatharupe ca kho brahmana yanne gavo hannanti,||
ajelaka hannanti,||
kukkutasukara hannanti,||
vividha pana sanghatam apajjanti,||
evarupam kho aham brahmana sarambham yannam na vannemi.|| ||

Tam kissa hetu?|| ||

Evarupam hi brahmana sarambham yannam na upasankamanti arahanto va arahamaggam samapanna va.|| ||

Yatharupe ca kho brahmana yanne n'eva gavo hannanti,||
na ajelaka hannanti,||
na kukkutasukara hannanti,||
na vividha pana sanghatam apajjanti.|| ||

Evarupam kho aham brahmana nirarambham yannam vannemi.|| ||

Yad idam niccadanam anukulayannam.|| ||

Tam kissa hetu?|| ||

Evarupam hi brahmana nirarambham yannam upasankamanti arahanto va arahamaggam va samapannati.|| ||

 

Assamedham purisamedham sammapasam vajapeyyam||
[43] Niraggalam maharambha na te honti mahapphala.|| ||

Ajelaka ca gavo ca vividha yattha hannare,||
Na tam sammaggata yannam upayanti mahesino.|| ||

Yam ca yannam nirarambham yajanti anukulam sada,||
ajelaka ca gavo ca vividha n'ettha hannare.|| ||

Tam ca sammaggata yannam upayanti mahesino,||
Etam yajetha medhavi eso yanno mahapphalo.|| ||

Etam hi yajamanassa seyyo hoti na papiyo,||
Yanno ca vipulo hoti pasidanti ca devatati.|| ||

 


Contact:
E-mail
Copyright Statement