Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
IV. Cakka Vagga

Sutta 40

Udayi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[43]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

2. Atha kho Udayi brahmano yena Bhagava ten'upasankami.|| ||

Upasanmitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Udayi brahmano Bhagavantam etad avoca:|| ||

"Bhavam pi no Gotamo yannam vanneti" ti?|| ||

3. Na kho aham brahmana sabbam yannam vannemi.|| ||

Na panaham brahmana sabbam yannam na vannemi.|| ||

Yatharupe ca kho brahmana yanne gavo hannanti,||
ajelaka hannanti,||
kukkutasukara hannanti,||
vividha pana sanghatam apajjanti,||
evarupam kho aham brahmana sarambham yannam na vannemi.|| ||

Tam kissa hetu?|| ||

Evarupam hi brahmana sarambham yannam na upasankamanti arahanto va arahamaggam samapanna va.|| ||

Yatharupe ca kho brahmana yanne n'eva gavo hannanti,||
na ajelaka hannanti,||
na kukkutasukara hannanti,||
na vividha pana sanghatam apajjanti.|| ||

Evarupam kho aham brahmana nirarambham yannam vannemi.|| ||

Yad idam niccadanam anukulayannam.|| ||

Tam kissa hetu?|| ||

Evarupam hi brahmana nirarambham yannam upasankamanti arahanto va arahamaggam va samapannati.|| ||

 

Abhisankhatam nirarambham yannam kalena kappiyam,||
[44] tadisam upasamyanti sannata brahmacariya.|| ||

Vivattacchadda ye loke vitivatta kalam gatim,||
Yannam etam pasamsanti buddha punnassa kovida.|| ||

Yanne va yadi va saddhe bhavyam katva yatharaham,||
Pasannacitto yajati sukhette brahmacarisu.|| ||

Suhutam suyittham suppattam dakkhineyyesu yam katam,||
Yanno ca vipulo hoti pasidanti ca devata.|| ||

Evam yajitva medhavi saddho muttena cetasa,||
Avyapajjham sukham lokam pandito upapajjati ti.|| ||

 

Cakkavaggo catuttho

 


Contact:
E-mail
Copyright Statement