Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VI. Punnabhisanda Vagga

Sutta 54

Dutiya Samvasa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Evam me sutam:|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. "Cattaro'me bhikkhave samvasa.|| ||

Katame cattaro?|| ||

Chavo chavaya saddhim samvasati,||
chavo deviya saddhim samvasati,||
devo chavaya saddhim samvasati,||
devo deviya saddhim samvasati.|| ||

3. Kathan ca bhikkhave chavo chavaya saddhim samvasati?|| ||

Idha bhikkhave samiko hoti panatipati,||
adinnadayi,||
kamesu micchacari,||
musavadi,||
pisunavaco,||
pharusavaco,||
sampapphalapi,||
abhijjhalu,||
vyapannacitto,||
micchaditthiko,||
dussilo papadhammo,||
maccheramalapariyutthitena cetasa agaram ajajhavasati,||
akkosakaparibhasako samana-brahmananam,||
bhariya pi'ssa hoti panatipatini,||
adinnadayini,||
kamesu micchacarini,||
musavadini,||
pisunavaco,||
pharusavaco,||
sampapphalapi,||
abhijjhalu,||
vyapannacitto,||
micchaditthiko,||
dussila papadhamma,||
maccheramalapariyutthitena cetasa agaram ajajhavasati,||
akkosikaparibhasika samana-brahmananam.|| ||

Evam kho bhikkhave chavo chavaya saddhim samvasati.|| ||

Kathan ca bhikkhave chavo deviya saddhim samvasati?|| ||

Idha bhikkhave samiko hoti panatipati,||
adinnadayi,||
kamesu micchacari,||
musavadi,||
pisunavaco,||
pharusavaco,||
sampapphalapi,||
abhijjhalu,||
vyapannacitto,||
micchaditthiko,||
dussilo papadhammo,||
maccheramalapariyutthitena cetasa agaram ajjhavasati,||
akkosakaparibhasako samana-brahmananam,||
bhariya ca khvassa hoti panatipata pativirata||
adinnadana pativirata||
kamesu micchacara pativirata||
musa-vada pativirata||
pisunavaca pativirato,||
pharusavaca pativirato,||
samphappalapa pativirato,||
anabhijjhalu,||
avyapannacitto,||
sammaditthiko,||
silavati kalyanadhamma,||
vigatamalamaccherena cetasa agaram ajjhavasati,||
anakkosikaparibhasika samana-brahmananam.|| ||

Evam kho bhikkhave chavo deviya saddhim samvasati.|| ||

Kathan ca bhikkhave devo chavaya saddhim samvasati?|| ||

Idha bhikkhave samiko hoti panatipata pativirato,||
adinnadana pativirato,||
kamesu micchacara pativirato,||
musa-vada pativirato,||
pisunavaca pativirato,||
pharusavaca pativirato,||
samphappalapa pativirato,||
anabhijjhalu,||
avyapannacitto,||
sammaditthiko,||
silava kalyanadhammo,||
vigatamalamaccherena cetasa agaram ajjhavasati,||
anakkosakaparibhasako samana-brahmananam,||
bhariya ca khvassa hoti panatipatini,||
adinnadayini,||
kamesu micchacarini,||
musavadini,||
pisunavaco,||
pharusavaco,||
sampapphalapi,||
abhijjhalu,||
vyapannacitto,||
micchaditthiko,||
dussila papadhamma,||
maccheramalapariyutthitena cetasa agaram ajjhavasati,||
akkosikaparibhasika samana-brahmananam.|| ||

Evam kho bhikkhave devo chavaya saddhim samvasati.|| ||

Kathan ca bhikkhave devo deviya saddhim samvasati?|| ||

Idha bhikkhave samiko hoti panatipata pativirato,||
adinnadana pativirato,||
kamesu micchacara pativirato,||
musa-vada pativirato,||
pisunavaca pativirato,||
pharusavaca pativirato,||
samphappalapa pativirato,||
anabhijjhalu,||
avyapannacitto,||
sammaditthiko,||
silava kalyanadhammo,||
vigatamalamaccherena cetasa agaram ajjhavasati,||
anakkosakaparibhasako samana-brahmananam,||
bhariyapi'ssa hoti panatipata pativirata,||
adinnadana pativirata,||
kamesu micchacara pativirata,||
musa-vada pativirata,||
pisunavaca pativirato,||
pharusavaca pativirato,||
samphappalapa pativirato,||
anabhijjhalu,||
avyapannacitto,||
sammaditthiko,||
silavati kalyanadhamma,||
vigatamalamaccherena cetasa agaram ajjhavasati,||
anakkosikaparibhasika samana-brahmananam.|| ||

Evam kho bhikkhave devo deviya saddhim samvasati.|| ||

[59] Ime kho bhikkhave cattaro samvasati.|| ||

Ubho ca honti dussila kadariya paribhasaka,||
Te honti janipatayo chava samvasamagata.|| ||

Samiko dussilo hoti kadariyo paribhasako,||
Bhariya silavati hoti vadannu vitamacchara;||
Sapi devi samvasati chavena patina saha.|| ||

Samiko silava hoti vadannu vitamaccharo,||
Bhariya'ssa hoti dussila kadariya paribhasika;||
Sapi chava samvasati devena patina saha.|| ||

Ubho saddha vadannu ca sannata dhammajivino,||
Te honti janipatayo annamannam piyamvada.|| ||

Attha sampacura honti vasattham upajayati,||
Amitta dummana honti ubhinnam samasilinam.|| ||

Idha dhammam caritvana samasilabbata ubho,||
Nandino devalokasmim modanti kamakamino ti.|| ||

 


Contact:
E-mail
Copyright Statement