Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VI. Punnabhisanda Vagga

Sutta 55

Samajivi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[61]

[1][pts][than][upal][olds][bodh] Ekam samayam Bhagava Bhaggesu viharati Sumsumaragire Bhesakalavane Migadaye.

Atha kho Bhagava pubbanhasamayam nivasetva pattacivaram adaya yena Nakulapituno gahapatissa nivesanam ten'upasankami.||
Upasankamitva pannatte asane nisidi.|| ||

Atha kho Nakulapita ca gahapati Nakulamata ca gahapatani yena Bhagava ten'upasankamimsu.||
Upasankamitva Bhagavantam abhivadetva eka-m-antam nisidimsu.

Eka-m-antam nisinno kho Nakulapita gahapati Bhagavantam etad avoca:|| ||

[2][pts][than][olds] "Yato me bhante Nakulamata gahapatani daharass'eva dahara anita||
nabhijanami Nakulamataram gahapatanim manasa pi aticarita,||
kuto pana kayena.

Iccheyyama mayam bhante ditthe va dhamme annamannam passitum abhisamparayan ca annamannam passitun" ti?|| ||

Nakulamata pi kho gahapatani Bhagavantam etad avoca:|| ||

"Yatvaham bhante Nakulapituno gahapatissa daharass'eva dahara anita||
nabhijanami Nakulapitaram gahapatim manasa pi aticarita,||
kuto pana kayena.

Iccheyyama mayam bhante ditthe va dhamme annamannam passitum abhisamparayan ca annamannam passitun" ti?|| ||

[62] "Akankheyyum ce gahapatayo ubho janipatayo ditthe va dhamme annamannam passitum abhisamparayan ca annamannam passitum,||
ubho ca assu samasaddha||
samasila||
samacaga||
samapanna.

Te ditthe va dhamme annamannam passanti abhisamparayan ca annamannam passanti" ti.|| ||

 

Ubho saddha vadannu ca sannata dhammajivino,||
Te honti janipatayo annamannam piyamvada.|| ||

Attha sampacura honti vasattham upajayati,||
Amitta dummana honti ubhinnam samasilinam.|| ||

Idha dhammam caritvana samasilabbata ubho,||
Nandino devalokasmim modanti kamakamino ti.

 


Contact:
E-mail
Copyright Statement