Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VII. Pattakamma Vagga

Sutta 61

Pattakamma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[65]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

Atha kho Anathapindiko gahapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Anathapindikam gahapatim Bhagava etad avoca:|| ||

[66] 2. Cattaro'me gahapati dhamma ittha kanta manapa dullabha lokasmim.|| ||

Katame cattaro?|| ||

'Bhoga me uppajjantu saha dhammena' ti.|| ||

Ayam pathamo dhammo ittho kanto manapo dullabho lokasmim.|| ||

'Bhoge laddha saha dhammena||
yaso mam abbhuggacchatu saha natihi saha upajjhayehi' ti.|| ||

Ayam dutiyo dhammo ittho kanto manapo dullabho lokasmim.|| ||

'Bhoge laddha saha dhammena||
yasam laddha saha natihi saha upajjhayehi||
ciram jivami digham addhayum palemi' ti.|| ||

Ayam tatiyo dhammo ittho kanto manapo dullabho lokasmim.|| ||

'Bhoge laddha saha dhammena,||
yasam laddha sahanatihi sahaupajjhayehi||
ciram jivitva dighamaddhayum paletva,||
kayassa bheda param marana sugatim saggam lokam upapajjami' ti.|| ||

Ayam catuttho dhammo ittho kanto manapo dullabho lokasmim.|| ||

Ime kho gahapati cattaro dhamma ittha kanta manapa Dullabha lokasmim.|| ||

3. Imesam kho gahapati catunnam dhammanam itthanam kantanam manapanam dullabhanam lokasmim||
cattaro dhamma patilabhaya samvattanti.|| ||

Katame cattaro?|| ||

Saddhasampada,||
silasampada,||
cagasampada,||
pannasampada.|| ||

4. Katama ca gahapati saddhasampada?|| ||

Idha gahapati ariyasavako saddho hoti,||
saddahati Tathagatassa bodhim:|| ||

Iti pi so Bhagava araham sammasambuddho vijjacaranasampanno sugato [lokavidu] anuttaro purisadammasarathi sattha deva-manussanam Buddho Bhagavati.|| ||

Ayam vuccati gahapati saddhasampada.|| ||

5. Katama ca gahapati silasampada?|| ||

Idha gahapati ariyasavako panatipata pativirato hoti.|| ||

Adinnadana pativirato hoti.|| ||

Kamesu micchacara pativirato hoti.|| ||

Musavada pativirato hoti.|| ||

Suramerayamajjapamadatthana pativirato hoti.|| ||

Ayam vuccati gahapati silasampada.|| ||

6. Katama ca gahapati cagasampada?|| ||

Idha gahapati ariyasavako vigatamalamaccherena cetasa agaram ajjhavasati,||
muttacago payatapani vossaggarato yacayogo danasamvibhagarato.|| ||

Ayam vuccati gahapati cagasampada.|| ||

7. Katama ca gahapati pannasampada?|| ||

Abhijjha-visa- [67] malobhabhibhutena cetasa gahapati viharanto akiccam karoti,||
kiccam aparadheti,||
akiccam karonto kiccam aparadhento yasa ca sukha ca dhamsati.|| ||

Vyapadabhibhutena cetasa gahapati viharanto akiccam karoti,||
kiccam aparadheti,||
akiccam karonto kiccam aparadhento yasa ca sukha ca dhamsati.|| ||

Thinamiddhabhibhutena cetasa gahapati viharanto akiccam karoti,||
kiccam aparadheti,||
akiccam karonto kiccam aparadhento yasa ca sukha ca dhamsati.|| ||

Uddhaccakukkuccabhibhutena cetasa gahapati viharanto akiccam karoti,||
kiccam aparadheti,||
akiccam karonto kiccam aparadhento yasa ca sukha ca dhamsati.|| ||

Vicikicchabhibhutena cetasa gahapati viharanto akiccam karoti,||
kiccam aparadheti,||
akiccam karonto kiccam aparadhento yasa ca sukha ca dhamsati.|| ||

8. Sa kho so gahapati ariyasavako abhijjhavisamalobho cittassa upakkileso ti iti viditva abhijjhavisamalobham cittassa upakkilesam pajahati.|| ||

Vyapado cittassa upakkileso ti iti viditva vyapadam cittassa upakkilesam pajahati.|| ||

Thinamiddham cittassa upakkileso ti iti viditva thinamiddham cittassa upakkilesam pajahati.|| ||

Uddaccakukkuccam cittassa upakkileso ti iti viditva uddhaccakukkuccam cittassa upakkilesam pajahati.|| ||

Vicikiccha cittassa upakkileso ti iti viditva vickiccha cittassa upakkilesam pajahati.|| ||

Yato ca kho gahapati ariyasavakassa abhijjhavisamalobho cittassa upakkileso ti iti viditva abhijjhavisamalobho cittassa upakkileso pahino hoti,||
vyapado cittassa upakkileso ti iti viditva vyapado cittassa upakkileso pahino hoti,||
thinamiddham cittassa upakkileso ti iti viditva thinamiddham cittassa upakkileso pahino hoti,||
uddhaccakukkuccam cittassa upakkileso ti iti viditva uddhaccakukkuccam cittassa upakileso pahino hoti,||
vicikiccha cittassa upakkileso ti iti viditva vicikiccha cittassa upakkileso pahino hoti.|| ||

Ayam vuccati gahapati ariyasavako mahapanno puthupanno apathadaso pannasampanno.|| ||

Ayam vuccati gahapati pannasampada.|| ||

Imesam kho gahapati catunnam dhammanam itthanam kattanam manapanam dullabhanam lokasmim ime cattaro dhamma patilabhaya samvattanti.|| ||

9. Sa kho so gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi cattari kammani katta hoti.|| ||

Katamani cattari?|| ||

10. Idha gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi attanam sukheti pineti samma sukham pariharati,||
mata-pitaro sukheti pineti samma sukham pariharati,||
puttadaradasakammakaraporise sukheti pineti samma sukham pariharati,||
mittamacce sukheti pineti samma sukham pariharati.|| ||

Idam assa pathamam thanam gatam hoti pattagatam ayatanaso paribhuttam.|| ||

[68] 11. Puna ca param gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi ya ta honti apada aggito va udakato va rajato va corato va appiyato va dayadato va.|| ||

Tatharupasu apadasu bhogehi pariyodhaya vattati,||
sotthim attanam karoti.|| ||

Idam assa dutiyam thanam gatam hoti pattagatam ayatanaso paribhuttam.|| ||

12. Puna ca param gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi panca bali katta hoti:|| ||

Natibalim atithibalim pubbapetabalim rajabalim devatabalim.|| ||

Idam assa tatiyam thanam gatam hoti pattagatam ayatanaso paribhuttam.|| ||

13. Puna ca param gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi ye te samana-brahmana madappamada pativirata khantisoracce nivittha.|| ||

Ekam attanam damenti,||
ekam attanam samenti,||
ekam attanam parinibbapenti.|| ||

Tatharupesu samanabrahmanesu uddhaggikam dakkhinam patitthapeti sovaggikam sukhavipakam sagga samvattanikam.|| ||

Idam assa catuttham thanam gatam hoti pattagatam ayatanaso paribhuttam.|| ||

14. Sa kho so gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi imani cattari pattakammani katta hoti.|| ||

Yassa kassaci gahapati annatra imehi catuhi pattakammehi bhoga parikkhayam gacchanti.|| ||

Ime vuccanti gahapati bhoga atthanagata appattagata anayatanaso paribhutta.|| ||

Yassa kassaci gahapati imehi catuhi pattakammehi bhoga parikkhayam gacchanti.|| ||

Ime vuccanti gahapati bhoga thanagata pattagata ayatanaso paribhutta" ti.|| ||

Bhutta bhoga bhata bhacca vitinna apadasu me,||
Uddhagga dakkhina dinna atho panca balimkata.|| ||

Upatthita silavanto sannata brahmacarayo,||
Yadattham bhogam iccheyya pandito gharam avasam,||
[69] so me attho anuppatto katam ananutapiyam.|| ||

Etam anussaram macco ariya-dhamme thito naro,||
Idh'eva nam pasamsanti pecca sagge ca modati ti.

 


Contact:
E-mail
Copyright Statement