Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VII. Pattakamma Vagga

Sutta 62

Anana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[69]

[1][pts][than][bodh] Evam me sutam:|| ||

Ekam samayam Bhagava Savatthiyam viharati.|| ||

Atha kho Anathapindiko gahapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Anathapindikam gahapatim Bhagava etad avoca:|| ||

2. Cattar'imani gahapati sukhani adhigamaniyani gihina kamabhogina kalena kalam samayena samayam upadaya.|| ||

Katamani cattari?|| ||

Atthi-sukham,||
bhoga-sukham,||
anana-sukham,||
anavajja-sukham.|| ||

3. Kataman ca gahapati atthi-sukham?|| ||

Idha gahapati kulaputtassa bhoga honti utthanaviriyadhigata bahabalaparicita sedavakkhitta dhammika dhammaladdha.|| ||

So - bhoga me atthi utthanaviriyadhigata bahabalaparicita sedavakkhitta dhammika dhammaladdha ti - adhigacchati sukham,||
adhigacchati somanassam.|| ||

Idam vuccati gahapati atthisukham.|| ||

4. Kataman ca gahapati bhoga-sukham?|| ||

Idha gahapati kulaputto utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi bhoge ca bhunjati,||
punnani ca karoti.|| ||

So - utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi bhoge ca bhunjami punnani ca karomi ti -||
adhigacchati sukham,||
adhigacchati somanassam.|| ||

Idam vuccati gahapati bhoga-sukham.|| ||

5. Kataman ca gahapati anana-sukham?|| ||

Idha gahapati kulaputto na kassa kinci dhareti appam va bahum va.|| ||

So - na kassaci kinci dharemi appam va bahum va ti -||
adhigacchati sukham,||
adhigacchati somanassam.|| ||

Idam vuccati gahapati anana-sukham.|| ||

6. Kataman ca gahapati anavajja-sukham?|| ||

Idha gahapati ariyasavako||
anavajjena kayakammena samannagato hoti,||
anavajjena vacikammena samannagato hoti,||
anavajjena manokammena samannagato hoti.|| ||

So - [70] anavajjen'amhi kayakammena samannagato,||
anavajjena vacikammena samannagato,||
anavajjena manokammena samannagato ti -||
adhigacchati sukham,||
adhigacchati somanassam.|| ||

Idam vuccati gahapati anavajja-sukham.|| ||

Imani kho gahapati cattari sukhani adhigamaniyani gihina kamabhogina kalena kalam samayena samayam upadayati.|| ||

 

Ananam-sukham natvana atho atthi-sukham sare,||
Bhunjam bhoga sukham macco tatho panna vipassati.|| ||

Vipassamano janati ubho bhage sumedhaso,||
Anavajja-sukhass'etam kalam nagghati solasin ti.|| ||

 


Contact:
E-mail
Copyright Statement