Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VII. Pattakamma Vagga

Sutta 63

Sabrahma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Sabrahmakani bhikkhave tani kulani yesam puttanam mata-pitaro ajjhagare pujita honti.|| ||

Sapubbacariyakani bhikkhave tani kulani yesam puttanam mata-pitaro ajjhagare pujita honti.|| ||

Sapubbadevatani bhikkhave tani kulani yesam puttanam mata-pitaro ajjhagare pujita honti.|| ||

Sahuneyyakani bhikkhave tani kulani yesam puttanam mata-pitaro ajjhagare pujita honti.|| ||

2. Brahma ti bhikkhave mata-pitunnam etam adhivacanam.|| ||

Pubbacariya ti bhikkhave mata-pitunnam etam adhivacanam.|| ||

Pubbadeva ti bhikkhave mata-pitunnam etam adhivacanam.|| ||

Ahuneyya ti bhikkhave mata-pitunnam etam adhivacanam.|| ||

Tam kissa hetu?|| ||

Bahukara bhikkhave mata-pitaro puttanam apadaka posaka imassa lokassa dassetaro ti.|| ||

Brahma ti mata-pitaro pubbacariya ti vuccare,||
Ahuneyya ca puttanam pajaya anukampaka,||
Tasma hi ne namasseyya sakkareyyatha pandito.|| ||

Annena atha panena vatthena sayanena ca,||
Ucchadanena nhapanena padanam dhovanena ca.|| ||

Taya nam paricariyaya mata-pitusu pandita,||
Idh'eva nam pasamsanti pecca sagge ca modati ti.|| ||

 


Contact:
E-mail
Copyright Statement