Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VII. Pattakamma Vagga

Sutta 69

Padhana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Cattar'imani bhikkhave padhanani.|| ||

Katamani cattari?|| ||

Samvarappadhanam,||
pahanappadhanam,||
bhavanappadhanam,||
anurakkhanappadhanam.|| ||

2. Kataman ca bhikkhave samvarappadhanam?|| ||

Idha, bhikkhave, bhikkhu anuppannanam papakanam akusalanam dhammanam anuppadaya chandam janeti||
vayamati viriyam arabhati cittam pagganhati padahati.|| ||

Idam vuccati bhikkhave samvarappadhanam.|| ||

3. Kataman ca bhikkhave pahanappadhanam?|| ||

Idha, bhikkhave, bhikkhu uppannanam papakanam akusalanam dhammanam pahanaya chandam janeti||
vayamati viriyam arabhati cittam pagganhati padahati.|| ||

Idam vuccati bhikkhave pahanappadhanam.|| ||

4. Kataman ca bhikkhave bhavanappadhanam?|| ||

Idha, bhikkhave, bhikkhu anuppannam kusalanam dhammanam uppadaya chandam janeti||
vayamati viriyam arabhati cittam pagganhati padahati.|| ||

Idam vuccati bhikkhave bhavanappadhanam.|| ||

5. Kataman ca bhikkhave anurakkhanappadhanam?|| ||

Idha, bhikkhave, bhikkhu uppannanam kusalanam dhammanam thitiya asammosaya bhiyobhavaya vepullaya bhavanaya paripuriya chandam janeti||
vayamati viriyam arabhati cittam pagganhati padahati.|| ||

Idam vuccati bhikkhave anurakkhanappadhanam.|| ||

Imani kho bhikkhave cattari padhanani ti.|| ||

Samvaro ca pahanam ca bhavana anurakkhana,||
Ete padhana cattaro desitadiccabandhuna||
Ye hi bhikkhu idhatapi khayam dukkhassa papuneti.|| ||

 


Contact:
E-mail
Copyright Statement