Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
4. Catukka Nipata
VII. Pattakamma Vagga

Sutta 70

Adhammika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bd] Evam me sutam:|| ||

Ekam samayam Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. Yasmim bhikkhave samaye rajano adhammika honti||
rajaputtapi tasmim samaye adhammika honti,||
 
rajaputtesu adhammikesu||
brahmanagahapatikapi tasmim samaye adhammika honti,||
 
brahmanagahapatikesu adhammikesu||
negamajanapadapi tasmim samaye adhammika honti,||
 
negamajanapadesu adhammikesu||
visamam candimasuriya parivattanti,||
 
visamam candimasuriyesu parivattantesu||
visamam nakkhattani tarakarupani parivattanti,||
 
visamam nakkhattesu tarakarupesu parivattantesu||
visamam rattindiva parivattanti,||
 
visamam rattindivesu parivattantesu||
visamam masaddhamasa parivattanti,||
 
visamam masaddhamasesu parivattantesu||
visamam utusamvacchara parivattanti,||
 
visamam utusamvaccharesu parivattantesu||
visamam vata vayanti visamam apanjasa,||
 
visamam vatesu vayantesu visamesu apanjasesu||
devata parikupita bhavanti,||
 
devatasu parikupitasu||
devo na sammadharam anupavecchati,||
 
deva na sammadharam anupavecchante||
visamapakini sassani bhavanti,||
 
visamapakini bhikkhave sassani||
manussa paribhunjanta appayuka ca honti dubbanna ca dubbala ca bavhabadha ca.|| ||

 

[2][bd] Yasmim bhikkhave samaye rajano dhammika honti||
rajaputtapi tasmim samaye dhammika honti,||
 
rajaputtesu dhammikesu||
brahmanagahapatikapi tasmim samaye dhammika honti,||
 
brahmanagahapatikesu dhammikesu||
negamajanapadapi tasmim samaye dhammika honti,||
 
negamajanapadesu dhammikesu||
samam candimasuriya parivattanti,||
 
samam candimasuriyesu parivattantesu||
samam nakkhattani tarakarupani parivattanti,||
 
samam nakkhattesu tarakarupesu parivattantesu||
samam rattindiva parivattanti,||
 
samam rattindivesu parivattentesu||
samam masaddhamasa parivattanti,||
 
samam masaddhamasesu parivattantesu||
samam utusamvacchara parivattanti,||
 
samam utusamvaccharesu parivattantesu||
samam vata vayanti samam panjasa,||
 
samam vatesu vayantesu samesu panjasesu||
devata aparikupita bhavanti,||
 
devatasu aparikupitasu||
devo sammadharam anupavecchati,||
 
deve sammadharam anupavecchante||
samapakini sassani bhavanti,||
 
samapakini bhikkhave sassani||
manussa paribhunjanta dighayuka ca honti vannavanto ca balavanto ca appabadha cati.

 

Gunnam ce taramananam jimham gacchati pungavo||
Sabba ta jimham gacchanti nette jimhagate sati||
Evam eva manussesu yo hoti setthasammato||
So ce adhammam carati pageva itara paja||
Sabbam rattham dukham seti raja ce hoti adhammiko.|| ||

Gunnam ce taramananam ujum gacchati pungavo||
Sabba ta ujum gacchanti nette ujugate sati||
Evam eva manussesu yo hoti setthasammato||
So c'eva dhammam carati pageva itara paja||
Sabbam rattham sukham seti raja ce hoti dhammiko ti.|| ||

Gathavusisamattisulikhiti
Pattakammavaggo sattamo

 


Contact:
E-mail
Copyright Statement