Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
VIII: Apannaka Vagga

Sutta 76

Kusinara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Kusinarayam viharati Upavattane Mallanam salavane,||
antarena yamaka-salanam parinibbana-samaye.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti||
te bhikkhu Bhagavato paccassosum.|| ||

Bhagava etad avoca:|| ||

2. "Siya kho pana bhikkhave ekabhikkhussa pi kankha va vimati va Buddhe va Dhamme va Sanghe va Magge va Patipadaya va,||
pucchatha bhikkhave, ma paccha vippatisarino ahuvattha:|| ||

'Sammukhibhuto no sattha ahosi,||
nasakkhimha Bhagavantam sammukha patipucchitun ti.'|| ||

Evam vutte te bhikkhu tunhi ahesum.|| ||

3. Dutiyam pi kho Bhagava bhikkhu amantesi:|| ||

"Siya kho pana bhikkhave ekabhikkhussa pi kankha va vimati va Buddhe va Dhamme va Sanghe va Magge va Patipadaya va,||
pucchatha bhikkhave, ma paccha vippatisarino ahuvattha:|| ||

'Sammukhibhuto no sattha ahosi,||
nasakkhimha Bhagavantam sammukha patipucchitun ti.'|| ||

Dutiyam pi kho te bhikkhu tunhi ahesum.|| ||

4. Tatiyam pi kho Bhagava bhikkhu amantesi:|| ||

"Siya kho pana bhikkhave ekabhikkhussa pi kankha va vimati va Buddhe va Dhamme va Sanghe va Magge va Patipadaya va,||
pucchatha bhikkhave, ma paccha vippatisarino ahuvattha:|| ||

'Sammukhibhuto no sattha ahosi,||
nasakkhimha Bhagavantam sammukha patipucchitun ti.'|| ||

Tatiyam pi kho te bhikkhu tunhi ahesum.|| ||

5. Atha kho Bhagava bhikkhu amantesi:|| ||

"Siya kho pana bhikkhave Satthu garavena pi na puccheyyatha,||
sahayako pi bhikkhave sahayakassa arocetu" ti.|| ||

Evam vutte te bhikkhu tunhi ahesum.|| ||

6. [80] Atha kho ayasma Anando Bhagavantam etad avoca:|| ||

"Acchariyam bhante,||
abbhutam bhante.|| ||

Evam pasanno aham bhante imasmim bhikkhusanghe||
n'atthi imasmim bhikkhusanghe ekabhikkhussa pi kankha va vimati va Buddhe va Dhamme va Sanghe va Magge va Patipadaya va" ti.|| ||

7. "Pasada kho tvam Ananda vadesi.|| ||

Nanam eva h'ettha Ananda Tathagatassa,||
n'atthi imasmim bhikkhusanghe ekabhikkhussa pi kankha va vimati va Buddhe va Fhamme va Sanghe va Magge va Patipadaya va.|| ||

Imesam Ananda pancannam bhikkhusatanam yo pacchimako bhikkhu,||
so sotapanno avinipatadhammo niyato sambodhiparayano" ti.|| ||

 


Contact:
E-mail
Copyright Statement