Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
X: Asura Vagga

Sutta 91

Asura Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cattaro'me bhikkhave puggala santo samvijjamana lokasmim.|| ||

Asuro asuraparivaro,||
asuro devaparivaro,||
devo asuraparivaro,||
devo devaparivaro.|| ||

Kathan ca bhikkhave puggalo asuro hoti asuraparivaro?|| ||

Idha, bhikkhave, ekacco puggalo dussilo hoti papadhammo,||
parisa pi'ssa dussila hoti papadhamma.|| ||

Evam kho bhikkhave puggalo asuro hoti asuraparivaro.|| ||

Kathan ca bhikkhave puggalo asuro hoti devaparivaro?|| ||

Idha, bhikkhave, ekacco puggalo dussilo hoti papadhammo,||
parisa ca khvassa hoti silavati kalyanadhamma.|| ||

Evam kho bhikkhave puggalo asuro hoti devaparivaro.|| ||

Kathan ca bhikkhave puggalo devo hoti asuraparivaro?|| ||

[92] Idha bhikkhave ekacco puggalo silava hoti kalyanadhammo,||
parisa ca khvassa hoti dussila papadhamma.|| ||

Evam kho bhikkhave puggalo devo hoti asuraparivaro.|| ||

Kathan ca bhikkhave puggalo devo hoti devaparivaro?|| ||

Idha, bhikkhave, ekacco puggalo silava hoti kalyanadhammo,||
parisa pi'ssa hoti silavati kalyanadhamma.|| ||

Evam kho bhikkhave puggalo devo hoti devaparivaro.|| ||

Ime kho bhikkhave cattaro puggala santo samvijjamana lokasminti.|| ||

 


Contact:
E-mail
Copyright Statement