Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
X: Asura Vagga

Sutta 93

Dutiya Samadhi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cattaro'me bhikkhave puggala santo samvijjamana lokasmim.|| ||

Idha, bhikkhave, ekacco puggalo labhi hoti ajjhattam ceto-samathassa,||
na labhi adhipanna-dhamma-vipassanaya.|| ||

Idha pana bhikkhave ekacco puggalo labhi hoti adhipanna-dhamma-vipassanaya,||
na labhi ajjhattam ceto-samathassa.|| ||

Idha pana bhikkhave ekacco puggalo n'eva labhi hoti ajjhattam ceto-samathassa,||
na labhi adhipanna-dhamma-vipassanaya.|| ||

Idha pana bhikkhave ekacco puggalo labhi c'eva hoti ajjhattam ceto-samathassa,||
labhi ca adhipanna-dhamma-vipassanaya.|| ||

Ime kho bhikkhave cattaro puggala santo samvijjamana lokasminti.|| ||

Tatra, bhikkhave, yvayam puggalo labhi hoti ajjhattam [93] ceto-samathassa,||
na labhi adhipanna-dhamma-vipassanaya,||
tena bhikkhave puggalena ajjhattam ceto-samathe patitthaya adhipanna-dhamma-vipassanaya yogo karaniyo.|| ||

So aparena samayena labhi c'eva hoti ajjhattam ceto-samathassa,||
labhi ca adhipanna-dhamma-vipassanaya.|| ||

Tatra, bhikkhave, yvayam puggalo labhi adhipanna-dhamma-vipassanaya,||
na labhi ajjhattam ceto-samathassa.|| ||

Tena bhikkhave puggalena adhipanna-dhamma-vipassanaya patitthaya ajjhattam ceto-samathe yogo karaniyo.|| ||

So aparena samayena labhi ce va hoti adhipanna dhammavipassanaya,||
labhi ca ajjhattam ceto-samathassa.|| ||

Tatra, bhikkhave, yvayam puggalo n'eva labhi ajjhattam ceto-samathassa,||
na labhi adhipanna-dhamma-vipassanaya.|| ||

Tena bhikkhave puggalena tesam yeva kusalanam dhammanam patilabhaya adhimatto chando ca,||
vayamo ca,||
ussaho ca,||
ussolhi ca,||
appativani ca,||
sati ca,||
sampajannam ca karaniyam.|| ||

Seyyatha pi, bhikkhave, adittacelo va,||
adittasiso va,||
tassa'eva celassa va,||
sisassa va,||
nibbapanaya adhimattam chandan ca,||
vayaman ca,||
ussahan ca,||
ussolhin ca,||
appativanin ca,||
satin ca,||
sampajannam ca kareyya,||
evam eva kho, bhikkhave, tena puggalena tesam yeva kusalanam dhammanam patilabhaya adhimatto chando ca||
vayamo ca,||
ussaho ca,||
ussolahi ca,||
appativani ca,||
sati ca,||
sampajannam ca karaniyam.|| ||

So aparena samayena labhi c'eva hoti ajjhattam ceto-samathassa,||
labhi ca adhipanna-dhamma-vipassanaya.|| ||

Tatra, bhikkhave, yvayam puggalo labhi c'eva hoti ajjhattam ceto-samathassa,||
labhi ca adhipanna-dhamma-vipassanaya,||
tena bhikkhave puggalena tesu yeva kusalesu dhammesu patitthaya uttarim asavanam khayaya yogo karaniyo.|| ||

 


Contact:
E-mail
Copyright Statement