Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
X: Asura Vagga

Sutta 95

Chavalata Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Cattaro'me bhikkhave puggala santo samvijjamana lokasmim.|| ||

Katame cattaro?|| ||

N'evattahitaya patipanno no parahitaya.|| ||

Parahitaya patipanno no attahitaya.|| ||

Attahitaya patipanno no parahitaya.|| ||

Attahitaya ca patipanno parahitaya ca.|| ||

Seyyatha pi, bhikkhave, chavalatam ubhato padittam majjhe guthagatam n'eva game katthattham pharati na aranne.|| ||

Tathupamaham bhikkhave imam puggalam vadami yvayam puggalo n'evattahitaya patipanno no parahitaya.|| ||

Tatra, bhikkhave, yvayam puggalo parahitaya patipanno no attahitaya,||
ayam imesam dvinnam puggalanam abhikkantaro ca panitataro ca.|| ||

Tatra, bhikkhave, yvayam puggalo attahitaya patipanno no parahitaya,||
ayam imesam tinnam puggalanam abhikkantataro ca panitataro ca.|| ||

Tatra, bhikkhave, yvayam puggalo attahitaya ca patipanno parahitaya ca,||
ayam imesam catunnam puggalanam aggo ca settho ca pamokkho ca uttamo ca pavaro ca.|| ||

Seyyatha pi, bhikkhave, gava khiram,||
khiramha dadhi,||
dadhimha navanitam,||
navanitamha sappi,||
sappimha sappimando,||
sappimando tattha aggam akkhayati,||
evam eva kho, bhikkhave, yvayam puggalo attahitaya ca patipanno parahitaya ca,||
ayam imesam catunnam puggalanam aggo ca settho ca pamokkho ca uttamo ca pavaro ca.|| ||

[96] Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement