Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
X: Asura Vagga

Sutta 96

Ragavinaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][than][pts] Cattaro'me bhikkhave puggala santo samvijjamana lokasmim.|| ||

Katame cattaro?|| ||

Attahitaya patipanno no parahitaya.|| ||

Parahitaya patipanno no attahitaya.|| ||

N'eva attahitaya patipanno no parahitaya.|| ||

Attahitaya ca patipanno parahitaya ca.|| ||

Kathan ca bhikkhave puggalo attahitaya patipanno no parahitaya?|| ||

Idha, bhikkhave, ekacco puggalo attana ragavinayaya patipanno hoti,||
no param ragavinayaya samadapeti.|| ||

Attana dosavinayaya patipanno hoti,||
no param dosavinayaya samadapeti.|| ||

Attana mohavinayaya patipanno hoti,||
no param mohavinayaya samadapeti.|| ||

Evam kho bhikkhave puggalo attahitaya patipanno hoti no parahitaya.|| ||

Kathan ca bhikkhave puggalo parahitaya patipanno hoti,||
no attahitaya?|| ||

Idha, bhikkhave, ekacco puggalo attana na ragavinayaya patipanno hoti,||
param ragavinayaya samadapeti.|| ||

Attana na dosavinayaya patipanno hoti,||
param dosavinayaya samadapeti.|| ||

Attana na mohavinayaya patipanno hoti,||
param mohavinayaya samadapeti.|| ||

Evam kho bhikkhave puggalo parahitaya patipanno hoti,||
no attahitaya.|| ||

Kathan ca bhikkhave puggalo n'evattahitaya patipanno hoti,||
no parahitaya?|| ||

Idha, bhikkhave, ekacco puggalo attana na ragavinayaya patipanno hoti,||
no param ragavinayaya samadapeti.|| ||

Attana na dosavinayaya patipanno hoti,||
no param dosavinayaya samadapeti.|| ||

Attana na mohavinayaya patipanno hoti,||
no param mohavinayaya samadapeti.|| ||

Evam kho bhikkhave puggalo n'evattahitaya patipanno||
hoti no parahitaya.|| ||

Kathan ca bhikkhave puggalo attahitaya ca patipanno hoti,||
parahitaya ca?|| ||

Idha, bhikkhave, ekacco puggalo attana ca ragavinayaya patipanno hoti,||
paran ca ragavinayaya samadapeti.|| ||

Attana ca dosavinayaya patipanno hoti,||
paran ca dosavinayaya samadapeti.|| ||

Attana ca mohavinayaya patipanno hoti,||
paran ca [97] mohavinayaya samadapeti.|| ||

Evam kho bhikkhave puggalo attahitaya ca patipanno hoti,||
parahitaya ca.|| ||

Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement