Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
X: Asura Vagga

Sutta 99

Sikkhapada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

2. "Cattaro'me bhikkhave puggala santo samvijjamana lokasmim.|| ||

Katame cattaro?|| ||

Attahitaya patipanno [99] no parahitaya.|| ||

Parahitaya patipanno no attahitaya.|| ||

N'eva attahitaya ca patipanno no parahitaya.|| ||

Attahitaya ca patipanno parahitaya ca.|| ||

Kathan ca bhikkhave puggalo attahitaya patipanno hoti no parahitaya?|| ||

Idha, bhikkhave, ekacco puggalo attana panatipata pativirato hoti,||
no ca param panatipata veramaniya samadapeti.|| ||

Attana adinnadana pativirato hoti,||
no param adinnadana veramaniya samadapeti.|| ||

Attana kamesu micchacara pativirato hoti,||
no param kamesu micchacara veramaniya samadapeti.|| ||

Attana musa-vada pativirato hoti,||
no param musa-vada veramaniya samadapeti.|| ||

Attana suramerayamajjapamadatthana pativirato hoti,||
no param suramerayamajjapamadatthana veramaniya samadapeti.|| ||

Evam kho bhikkhave puggalo attahitaya patipanno hoti no parahitaya.|| ||

Kathan ca bhikkhave puggalo parahitaya patipanno hoti no attahitaya?|| ||

Idha, bhikkhave, ekacco puggalo attana panatipata appativirato hoti,||
param panatipata veramaniya samadapeti.|| ||

Attana adinnadana appativirato hoti,||
param adinnadana veramaniya samadapeti.|| ||

Attana kamesu micchacara appativirato hoti,||
param kamesu micchacara veramaniya samadapeti.|| ||

Attana musa-vada appativirato hoti,||
param musa-vada veramaniya samadapeti.|| ||

Attana suramerayamajjapamadatthana appativirato hoti,||
param suramerayamajjapamadatthana veramaniya samadapeti.|| ||

No param - machasam.|| ||

Evam kho bhikkhave puggalo parahitaya patipanno hoti no attahitaya.|| ||

Kathan ca bhikkhave puggalo n'evattahitaya patipanno hoti no parahitaya?|| ||

Idha, bhikkhave, ekacco puggalo attana panatipata appativirato hoti,||
no param panatipata veramaniya samadapeti.|| ||

Attana adinnadana appativirato hoti,||
no param adinnadana veramaniya samadapeti.|| ||

Attana kamesu micchacara appativirato hoti,||
no param kamesu micchacara veramaniya samadapeti.|| ||

Attana musa-vada appativirato hoti,||
no param musa-vada veramaniya samadapeti.|| ||

Attana suramerayamajjapamadatthana appativirato hoti,||
no param suramerayamajjapamadatthana veramaniya samadapeti.|| ||

Evam kho bhikkhave puggalo n'evattahitaya patipanno hoti,||
no parahitaya.|| ||

Kathan ca bhikkhave puggalo attahitaya ca patipanno hoti parahitaya ca?|| ||

Idha, bhikkhave, ekacco puggalo attana ca panatipata pativirato hoti,||
paran ca panatipata veramaniya samadapeti.|| ||

Attana ca adinnadana pativirato hoti,||
paranca adinnadana veramaniya samadapeti.|| ||

Attana ca kamesu micchacara pativirato hoti,||
paran ca kamesu micchacara veramaniya samadapeti.|| ||

Attana ca musa-vada pativirato hoti,||
paran ca musa-vada veramaniya samadapeti.|| ||

Attana ca suramerayamajjapamadatthana pativirato hoti,||
paran ca suramerayamajjapamadatthana veramaniya samadapeti.|| ||

Evam kho bhikkhave puggalo attahitaya ca patipanno hoti parahitaya ca.|| ||

Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement